Гэта вынікае з указу Аляксандра Лукашэнкі ад 23 сьнежня, апублікаванага ягонай прэс-службай.
«У выніку прымяненьня зацьверджаных тарыфаў жыльлёва-камунальныя плацяжы для насельніцтва ў разьліку на тыпавую двухпакаёвую кватэру з трыма жыльцамі пры нарматыўным спажываньні імі паслуг павысяцца ў межах 5 даляраў у эквіваленце», — адзначаецца ў тлумачэньні.
ГЛЯДЗІЦЕ ТАКСАМА: Гадавая інфляцыя на прадукты ў Беларусі перавысіла 12%Падвышэньне пройдзе ў два этапы. Ад 1 студзеня 2022 году — на 11,1 рубля (3,92 даляра) за жыльлёва-камунальныя паслугі, за выключэньнем ацяпленьня. Ад 1 чэрвеня — за цеплавую і электрычную энэргію, газ прыродны і звадкаваны на 3,04 рубля (1,08 даляра).
ГЛЯДЗІЦЕ ТАКСАМА: МВФ параіў Беларусі ўрэзаць бюджэтныя выдаткі ва ўмовах санкцыйПры гэтым удакладняецца, што ва ўмовах росту жыльлёва-камунальных плацяжоў будзе працягнута дзяржаўная падтрымка насельніцтва празь безнаяўныя субсыдыі. Іх атрымаюць грамадзяне пры ўмове, калі сума камунальных плацяжоў перавышае 20% іх сярэднямесячнага сукупнага даходу ў горадзе і 15% — у сельскай мясцовасьці.
Раней улады заяўлялі, што паступова выйдуць на 100-працэнтнае пагашэньне насельніцтвам жыльлёва-камунальных паслуг.
ГЛЯДЗІЦЕ ТАКСАМА: Капуста +55%, бульба +31%. Што за год найбольш падаражэла ў Беларусі ГЛЯДЗІЦЕ ТАКСАМА: 4600 лекараў і 5500 кіроўцаў. Якіх спэцыялістаў не хапае ў Беларусі