Мазырскі раённы суд у закрытым рэжыме разглядзеў крымінальную справу 36-гадовай Ірыны Гарашынай.
Раней Ірына Гарашына працавала настаўніцай. Яе абвінавацілі ў «масавых беспарадках» (артыкул 342) і «незаконных дзеяньнях у дачыненьні інфармацыі аб прыватным жыцьці і пэрсанальных зьвестак» (артыкул 203-1).
8 лістапада суд вынес рашэньне пазбавіць Гарашыну свабоды на 2 гады, з адбываньнем пакараньня ў калёніі агульнага рэжыму і даць ёй штраф памерам 50 базавых велічынь.
У жанчыны засталіся дома дзьве дочкі, 7 і 15 гадоў.
Яе затрымалі 24 жніўня. Ірыну Гарашыну абвінавацілі ў тым, што яна пакідала допісы ў тэлеграм-канале «Мозырь 97», прызнаным экстрэмісцкім.
ГЛЯДЗІЦЕ ТАКСАМА: «Гэта яшчэ адна вайна зь „Белсатам“». Юрыстка тлумачыць, ці можна стаць экстрэмістам за падпіску на тэлеграм-канал ГЛЯДЗІЦЕ ТАКСАМА: Хроніка перасьледу 1 лістапада. Смаргонца асудзілі на два гады «хіміі» за камэнтар у «Аднаклясьніках»