Урад зьвернецца да Аляксандра Лукашэнкі ў справе выдзяленьня дадатковых сродкаў на барацьбу з COVID-19. Пра гэта заявіў прэм’ер-міністар Раман Галоўчанка, якога цытуе БелТА.
Прычына — уздым захворваньня. Па словах Галоўчанкі, патрэбна яшчэ амаль 250 млн рублёў (каля 100 млн даляраў), у тым ліку 140 млн — на набыцьцё лекаў і вакцын.
Галоўчанка таксама заявіў, што ў чацьвёртым квартале на выплату «ковідных» надбавак мэдыкам патрэбна яшчэ 250 млн рублёў, якія шукаюць у рэспубліканскім і мясцовых бюджэтах.
«Тое, што мы закладвалі на год, фактычна было зьедзена за тры кварталы», — сказаў прэм’ер-міністар.
Галоўчанка паведаміў, што сёлета на надбаўкі мэдыкам накіравалі 825 млн рублёў (з пачатку пандэміі — «практычна 1,3 млрд»). А яшчэ сродкі выдаткоўваліся на куплю вакцын, мэдычных прэпаратаў і сродкаў індывідуальнай засьцярогі.
ГЛЯДЗІЦЕ ТАКСАМА: Лукашэнка на нарадзе аб COVID-19 выступіў супраць прымусовай вакцынацыі і штрафаў. Прысутныя былі бяз масак ГЛЯДЗІЦЕ ТАКСАМА: Больш за 390 тысяч беларусаў жывуць па-за рысай беднасьці. «Па пяцьсот» і больш маюць каля 8% жыхароў краіны ГЛЯДЗІЦЕ ТАКСАМА: Міністэрства здароўя патлумачыла, што прыпыніла плянавую дапамогу ў паліклініках праз сытуацыю з каранавірусам