Кіраўніцтва Беларускага дзяржаўнага ўнівэрсытэту транспарту хоча ўсталяваць у лекцыйных аўдыторыях і кампутарных клясах 39 відэакамэраў. На сыстэму відэаназіраньня рэктарат гатовы выдаткаваць 36 460 рублёў ($14900).
Як паведамляе flagstok.info, набыць абсталяваньне плянуецца да канца гэтага года.
Паводле выданьня, БелДУТ лідзіруе сярод ВНУ Гомля па колькасьці выкладчыкаў, звольненых паводле палітычных матываў. У верасьні 2020 году звальненьне выкладчыка Яўгена Малікава выклікала незадаволенасьць і пратэсты студэнтаў. Верагодна, гэтыя падзеі паўплывалі і на меры па кантролі студэнтаў і выкладчыкаў. БелДУТ першым з гомельскіх ВНУ ўсталяваў сыстэму турнікетаў на ўваходах ва ўстанову і замовіў паўнавартасную сыстэму ўнутранага відэакантролю.
Рэктар БелДУТ Юры Кулажанка быў даверанай асобай Лукашэнкі.