Пра гэта гаворыцца ў прэс-рэлізе Швэдзкай акадэміі.
BREAKING NEWS: The 2021 #NobelPrize in Literature is awarded to the novelist Abdulrazak Gurnah “for his uncompromising and compassionate penetration of the effects of colonialism and the fate of the refugee in the gulf between cultures and continents.” pic.twitter.com/zw2LBQSJ4j
— The Nobel Prize (@NobelPrize) October 7, 2021
Абдулразак Гурна нарадзіўся на востраве Занзыбар у 1948 годзе ў сям’і мусульман арабскага паходжаньня. У 1968 годзе, у сувязі з антыарабскімі настроямі на Занзыбары, пераехаў у Вялікую Брытанію, дзе працягнуў навучаньне. З 1980 па 1982 год чытаў лекцыі ва ўнівэрсытэце ў Нігерыі. Цяпер у званьні прафэсара ўзначальвае асьпірантуру на катэдры ангельскай мовы ў Кенцкім унівэрсытэце.
Піша на ангельскай мове. Аўтар раманаў:
- Memory of Departure (1987),
- Pilgrims Way (1988),
- Dottie (1990),
- Paradise (1994),
- Admiring Silence (1996),
- By the Sea (2001),
- Desertion (2005),
- The Last Gift (2011),
- Gravel Heart (2017),
- Afterlives (2020).
Летась літаратурнага Нобэля атрымала амэрыканская паэтка Луіза Глюк, а ў 2019 годзе ляўрэатамі абвясьцілі Вольгу Такарчук з Польшчы (за 2018 год) і Пэтэра Гандке з Аўстрыі (за 2019 год).
У 2015 годзе Нобэлеўскую прэмію ў літаратуры атрымала беларуская пісьменьніца Сьвятлана Алексіевіч. Прэмія была прысуджаная «за поліфанічныя творы, помнік пакутам і мужнасьці ў наш час».
Першую Нобэлеўскую прэмію ў галіне літаратуры прысудзілі ў 1901 годзе францускаму паэту Сюлі Прудому.
ГЛЯДЗІЦЕ ТАКСАМА: Прэмію Нобэля ў хіміі прысудзілі за «разьвіцьцё асымэтрычнага арганакаталізу» ГЛЯДЗІЦЕ ТАКСАМА: Нобэлеўскую прэмію ў фізыцы прысудзілі за вывучэньне клімату ГЛЯДЗІЦЕ ТАКСАМА: Нобэлеўскую прэмію 2021 году ў мэдыцыне далі за за адкрыцьцё рэцэптараў тэмпэратуры і дотыку