Кангрэс дасьледчыкаў Беларусі ўжо дзявяты раз у сваёй гісторыі сабраў навукоўцаў, журналістаў, грамадзкіх дзеячаў і студэнтаў з розных краін сьвету.
Імпрэза традыцыйна ладзіцца за межамі Беларусі. У 2018 годзе была спроба сабрацца ў краіне, але яна аказалася бясплённай.
Гэта пляцоўка для прэзэнтацыі дасьледаваньняў навукоўцаў і экспэртаў у палітычнай, сацыяльнай і гуманітарнай сфэрах, а таксама для абмеркаваньня грамадзкіх праектаў, абмену ідэямі і думкамі.
Паводле арганізатараў, Кангрэс створаны для лепшага разуменьня Беларусі ў сьвеце, а таксама грамадзка-палітычных працэсаў, якія маюць месца на цяперашнім гістарычным адрэзку.
Міжнародны кангрэс дасьледчыкаў Беларусі. Выступае Андрэй Казакевіч.
Падчас 12 панэльных дыскусій удзельнікі абмяркуюць міжнародныя адносіны і палітыку, грамадзтва, эканоміку, гендэрныя дасьледаваньні, мэдыя, адукацыю і навуку, гісторыю, літаратуру і культуру.