Як сьведчаць дадзеныя Нацыянальнага банку аб шырокай грашовай масе, агульная сума валютных дэпазытаў фізычных асобаў на 1 верасьня зьнізілася да 3 мільярдаў 894 мільёнаў даляраў, што амаль на 27,5 мільёна даляраў менш, чым месяцам раней.
ГЛЯДЗІЦЕ ТАКСАМА: За паўгода беларусы забралі з банкаў валютныя дэпазыты на суму звыш 620 млн даляраўЗа ліпень гэтая сума зьнізілася на 96,7 мільёна даляраў, а ў параўнаньні з пачаткам году — на 744,9 мільёна даляраў.
У цэлым шырокая грашовая маса, якая ўключае сродкі людзей і прадпрыемстваў на рахунках у банках, а таксама наяўныя грошы ў абарачэньні, на 1 верасьня склала 49 мільярдаў 651 мільён рублёў.
ГЛЯДЗІЦЕ ТАКСАМА: За паўтара года беларусы забралі з банкаў больш за 2,2 мільярда даляраў валютных укладаўЯк удакладняе фінансавы рэгулятар, наяўныя грошы ў абарачэньні за жнівень зьнізіліся на 9,4 мільёна рублёў — да 4 мільярдаў 479 мільёнаў рублёў. За ліпень гэты паказьнік вырас на 171 мільён рублёў.
Раней у Нацбанку заяўлялі, што адток дэпазытаў пагражае фінансавай стабільнасьці. Гэта стварае падвышаны ціск на ліквіднасьць банкаў і абмяжоўвае магчымасьці ў крэдытнай падтрымцы эканомікі. Сродкі насельніцтва і юрыдычных асобаў складаюць аснову рэсурснай базы банкаў.
ГЛЯДЗІЦЕ ТАКСАМА: Народныя санкцыі. Як беларусы спрабуюць пакінуць рэжым бяз грошай і наколькі гэта працуе