У разьвітальным допісе Мікалай Казловіч паведаміў, што сыходзіць у офлайн на «перазагрузку», а рэдактарскія абавязкі падхопіць ягоны калега Мікалай Градзюшка.
«Onliner — ты космас! Дзякуй за магчымасьць займацца любімай справай апошнія 10 гадоў. Гэтая мая гісторыя заканчваецца. А далей — паглядзім. Усьцешаны, што перадаю руль Колю Градзюшку. Усё будзе добра», — напісаў ён у твітэры.
ГЛЯДЗІЦЕ ТАКСАМА: «Наша задача — каб стала меней тых, хто адлічвае гісторыю ад 1917 году». Рэдактары незалежных сайтаў пра «беларускамоўную нядзелю»Мікалай Казловіч — сын вядомага беларускага публіцыста Анатоля Казловіча, раней расказваў Свабодзе, што выношвае думку напісаць пра бацьку кнігу.
Незадоўга да атакі на незалежныя мэдыя, разам з рэдактарамі парталу Tut.by Марынай Золатавай і спартовага рэсурсу Tribuna Алегам Гаруновічам, далучыўся да моўнай ініцыятывы «беларускія нядзелі».
ГЛЯДЗІЦЕ ТАКСАМА: Tut.by, Onliner.by, БАЖ накіравалі 17 прапаноў да паправак у закон «Аб СМІ»Onliner — апошні буйны онлайн-рэсурс, які мае статус СМІ. Журналісты асьвятлялі леташнія масавыя акцыі пратэсту, іх затрымлівалі і судзілі.
Так, у канцы мінулага году тады яшчэ выпускаючага рэдактара Мікалая Градзюшку абвінавацілі ва ўдзеле ў «несанкцыянаваным мерапрыемстве». Да суду пратрымалі на Акрэсьціна і пакаралі штрафам у памеры 30 базавых велічынь (на той момант 810 рублёў). А сёлета сілавікі прыходзілі зь ператрусам да журналісткі Настасьсі Занько.
ГЛЯДЗІЦЕ ТАКСАМА: Onliner адключыў камэнтары пад навінамі: «Сытуацыя зьмянілася»У ліпені Onliner адключыў камэнтары пад сваімі матэрыяламі з фармулёўкай: «Цяпер мы ня можам гарантаваць бясьпеку тых, хто выказваецца пад навінамі».