Лукашэнка 9 жніўня заявіў, што мае вялікую падтрымку ва Ўкраіне.
«Вы дажартуецеся да таго, што я рызыкну і пераступлю мяжу бяз зброі. І ў мяне будзе ня 40% украінцаў, а мінімум 90%. І мы Ўкраіну павернем... Не для таго, каб захапіць, а каб зрабіць Украіну ўкраінскай», — сказаў Лукашэнка, адказваючы на заўвагу ўкраінскага журналіста пра тое, што той мае вялікую папулярнасьць ва Ўкраіне.
Згодна з дасьледаваньнямі Кіеўскага міжнароднага інстытуту сацыялёгіі (КМІС), у лютым 2021-га Аляксандру Лукашэнку давяралі 36 адсоткаў украінцаў і не давяралі 56,3 адсотка.
ГЛЯДЗІЦЕ ТАКСАМА: «Ніводзін мускул не здрыгануўся б увесьці ў дзеяньне армію». Лукашэнка выступіў праз год пасьля выбараўАднак, як мяркуе намесьнік дырэктара КМІС Антон Грушэцкі, на гэтыя лічбы трэба глядзець пад іншым вуглом, то бок дзяліць на дзьве часткі — да і пасьля жніўня 2020-га.
«У сакавіку 2020 году больш як 70% украінцаў сапраўды пазытыўна ставіліся да Аляксандра Лукашэнкі. Тут няма нічога дзіўнага, бо ён эксплуатаваў вобраз моцнага гаспадарніка і ў большасьці ўкраінцаў у галаве сфармаваўся вобраз Беларусі як спакойнай, стабільнай краіны са стабільнай эканомікай, добрымі дарогамі і сацыяльным забесьпячэньнем. Але пасьля жніўня 2020-га сытуацыя зьмянілася. Хаця і не на супрацьлеглую, як шмат хто з прагрэсіўнай грамадзкасьці ва Ўкраіне чакае», — падкрэсьліў сацыёляг.
ГЛЯДЗІЦЕ ТАКСАМА: Лукашэнка больш не зьяўляецца для ўкраінцаў ідэалам кіраўніка дзяржавыУ верасьні 2020 году сацыёлягі прапанавалі рэспандэнтам адказаць на пытаньне, каго ўкраінцы больш падтрымліваюць — Аляксандра Лукашэнку ці ўдзельнікаў пратэстаў? І ў тым выпадку Лукашэнка атрымаў 31% падтрымкі, а 45% выказалі сваю падтрымку ўдзельнікам акцыяў пратэстаў.
ГЛЯДЗІЦЕ ТАКСАМА: Украінскі журналіст Гардон адказаў на абразы Лукашэнкі: «Вы сапраўдны дэспат, разбойнік у чыстым выглядзе» ГЛЯДЗІЦЕ ТАКСАМА: Ва Ўкраіне адказалі Лукашэнку: «Мы змагаемся з баевікамі, а не трэнуем іх» ГЛЯДЗІЦЕ ТАКСАМА: Сацыёлягі зрабілі партрэт украінца, якому найбольш падабаецца Лукашэнка