З поўдня суботы латвійскія памежнікі затрымалі 35 мігрантаў з трэціх краін, якія спрабавалі незаконна перасекчы дзяржаўную мяжу.
Пра гэта паведамляе zerkalo са спасылкай на Delfi.lv.
Як паведаміла прэс-сакратар Дзяржаўнай памежнай службы Крысьціне Петэрсоне, разьбіральніцтва пакуль яшчэ не завершанае, але большасьць з гэтых мігрантаў могуць быць з Іраку.
Паводле яе слоў, асобы, якія незаконна перасеклі дзяржаўную мяжу, затрымліваюцца ў парадку, які ўсталяваны законам аб іміграцыі, і зьмяшчаюцца ў цэнтры затрыманых замежнікаў.
- Сёньня раней ТАСС са спасылкай на літоўскае радыё LRT паведаміла, што памежнікі Літвы ўначы 7 жніўня зь беларускага боку мяжы чулі стрэлы, у паветра ўздымаліся асьвятляльныя і сыгнальныя ракеты.
- Дзяржаўны памежны камітэт Беларусі прызнаў, што стрэлы сапраўды былі, але яны адбываліся ў рамках «плянавых вучэньняў», аб’яўленых на пачатку жніўня.