19 ліпеня дадому да Андрэя і Тацяны Мастыкаў прыйшлі зь ператрусам супрацоўнікі КДБ. Што шукалі і ў якой справе, невядома дагэтуль.
Паводле ініцыятывы By_culture, сілавікі не дапусьцілі адваката Мастыкаў да працэдуры вобшуку, у іх лёсе няма пэўнасьці дагэтуль. У прыватнасьці, абаронца ня толькі ня ў курсе, у чым абвінавачваюць Андрэя, ён ня ведае нават, дзе той знаходзіцца.
ГЛЯДЗІЦЕ ТАКСАМА: У Эўразьвязе можа зьявіцца ўнівэрсытэт для рэпрэсаваных Лукашэнкам і ПуцінымНе нашмат больш яснасьці і адносна Тацяны. Вядома толькі тое, што пасьля допыту ў цэнтральным апараце КДБ яе зьмясьцілі ў СІЗА КДБ, так званую «амэрыканку». Адваката да яе таксама не дапускаюць.
Пэўна, абое сталі ахвярамі зачысткі няўрадавых арганізацый, пра якую казалі Макей і Лукашэнка. Тацяна Мастыка раней узначальвала грамадзкае аб’яднаньне «Гісторыка», яе муж быў намесьнікам. Таксама яны супрацоўнічалі зь «Лятучым унівэрсытэтам».
ГЛЯДЗІЦЕ ТАКСАМА: Лукашэнка пра няўрадавыя арганізацыі і СМІ: «Ідзе зачыстка» ГЛЯДЗІЦЕ ТАКСАМА: ПЭН-цэнтар: За першае паўгодзьдзе ў Беларусі зафіксаваны 621 выпадак парушэньня культурных правоў і правоў дзеячаў культуры