Літоўскі візавы цэнтар з 19 ліпеня зноў будзе выдаваць ахвочым зь Беларусі шэнгенскія візы тыпу С і D. Пра гэта паведамляе zerkalo.io са спасылкай на сайт VFS Global, афіцыйнага партнэра амбасады Літвы ў Рэспубліцы Беларусь.
У паведамленьні зазначана, што ўсе візавыя заявы будуць разглядацца выключна ў амбасадзе Літоўскай Рэспублікі ў Менску, працэдура будзе праходзіць згодна з патрабаваньнямі дыпляматычнага прадстаўніцтва.
Літоўскі візавы цэнтар у Менску перастаў прымаць дакумэнты 8 ліпеня. За дзень да гэтага, 7 ліпеня, дакумэнты перастаў прымаць літоўскі візавы цэнтар у Горадні.
ГЛЯДЗІЦЕ ТАКСАМА: Амбасада Літвы ў Беларусі і некаторыя візавыя цэнтры Літвы і Польшчы прыпынілі прыём дакумэнтаў на візы6 ліпеня МЗС Беларусі прыняў рашэньне скараціць да мінімуму дыпляматычнае прадстаўніцтва Літвы да аднаго супрацоўніка консульскай службы, а таксама трох супрацоўнікаў адміністрацыйна-тэхнічнага пэрсаналу. Аналягічныя захады прыняў і МЗС Літвы.
ГЛЯДЗІЦЕ ТАКСАМА: МЗС Беларусі скарачае да мінімуму штат літоўскай амбасады ў адказ на стварэньне ў Літве «Беларускага дэмакратычнага прадстаўніцтва»З 1 ліпеня 2021 году на ўсёй тэрыторыі Літвы адменены карантынныя абмежаваньні. Тым ня менш, у краіне захоўваецца рэжым экстрэмальнай сытуацыі дзяржаўнага ўзроўню. Для ўезду на літоўскую тэрыторыю патрабуецца запоўніць анкету на сайце Міністэрства аховы здароўя і прад’явіць нэгатыўны тэст на COVID-19. Калі гэта ПЦР-тэст, то яго трэба зрабіць не раней чым за 72 гадзіны да прыбыцььця, калі тэст на антыген — за 48 гадзін.