Вікторыя Азаранка адмовілася ад удзелу ў Алімпійскіх гульнях у Токіё, якія пачнуцца ў канцы ліпеня. Пра гэта тэнісістка заявіла ў інстаграме.
Дакладнай прычыны, чаму яна не паляціць у Японію, Вікторыя заўзятарам не паведаміла, згадаўшы толькі «цяжкасьці ў сувязі з пандэміяй» COVID-19. Яна спадзяецца выступіць на наступнай Алімпіядзе, якую ў 2024 годзе прыме францускі Парыж.
31-гадовая Азаранка — самая тытуляваная беларуска ў гісторыі тэнісу. Яна пераможца 21 турніру найпрэстыжнейшай сэрыі WTA, у тым ліку двух турніраў «Вялікага шлему» — Адкрытага чэмпіянату Аўстраліі ў 2021 і 2013 гг. Таксама мянчанка — алімпійская чэмпіёнка Лёндану-2012 у міксьце разам з Максімам Мірным і бронзавая прызэрка Алімпіяды ў адзіночных змаганьнях.
На Алімпіядзе ў Токіё Азаранка была заяўлена як у адзіночных паядынках, так і ў парных жаночых, дзе мелася выступаць з Арынай Сабаленкай.
ГЛЯДЗІЦЕ ТАКСАМА: Алімпійскія дысыдэнты. Як будуць ужывацца між сабой у Токіё беларускія спартоўцы-антаганісты ГЛЯДЗІЦЕ ТАКСАМА: Замежныя заўзятары ня змогуць прыехаць на Алімпіяду ў Японію