Аўтары звароту адзначаюць, што папярэдні ўрад Ізраілю ігнараваў змрочную сытуацыю з правамі чалавека ў Беларусі, хоць рэпрэсіі закранулі і некалькіх ізраільскіх грамадзян.
«Якая пазыцыя Ізраілю? Дэ-юрэ — нейтралітэт, — пішуць яны. — Пры гэтым амбасадар Ізраілю ў РБ Алекс Гольдман-Шайман удзельнічае ў праўладных мерапрыемствах, дае інтэрвію беларускім СМІ, дзе гаворыць аб разьвіцьці супрацоўніцтва. Амбасада Ізраілю дэ-факта дэманстратыўна падтрымлівае дыктатуру, што выклікае ўсеагульнае зьдзіўленьне і абурэньне, асабліва на фоне антысэміцкай рыторыкі прапагандыстаў рэжыму».
ГЛЯДЗІЦЕ ТАКСАМА: Крывавы Пурым. Як у гэты дзень нацысты зладзілі пагром у Менскім гета і чаму памяць пра гэта замінала камуністамСярод тых, хто падпісаў дакумэнт, вядомыя гісторыкі Леанід Сьмілавіцкі і Захар Шыбека, публіцыст і праваабаронца Якаў Басін, прадусэр Аркадзь Крумер, паэт-песеньнік Віктар Гін, харэограф Валеры Паноў, акторкі Яўгенія Додзіна і Ганна Хітрык. Зварот быў ініцыяваны ізраільскім рухам у падтрымку беларускага пратэсту RAZAM.
ГЛЯДЗІЦЕ ТАКСАМА: Хто ёсьць хто ў новым урадзе Ізраілю. Чацьвёрка найважнейшых асобаў, якія будуць на слыху ГЛЯДЗІЦЕ ТАКСАМА: У адстаўку пайшоў самы даўгавечны прэм’ер-міністар Ізраілю