Лукашэнку паказалі ўчастак, дзе вырабляюць патроны, паведамляе БелТА. Тут наладжаны іх сэрыйны выпуск для цывільнай зброі калібру 9 мм Luger (9×19), 7.62×39, 7.62×54R, у працэсе канвэернай вытворчасьці патроны для баявой зброі калібру 9 мм Makarov і 7.62×39. Вытворчыя магутнасьці разьлічаныя на штогадовы выпуск 20 млн патронаў розных калібраў.
ГЛЯДЗІЦЕ ТАКСАМА: Лукашэнка даручыў, каб у Беларусі рабілі сваю стралковую зброюЁн таксама наведаў участак, дзе перапрацоўваюць былыя ва ўжываньні патроны: іх чысьцяць і зноў зараджаюць, што эканамічна больш выгадна, чым купляць новыя.
«Хто гарантуе, што мы ня будзем ваяваць? Ніхто ня можа гарантаваць. Сьвет адурэў наогул. Вайна можа ўспыхнуць у любы момант у любым пункце, ня дай Бог у нас», — заявіў Лукашэнка, акцэнтаваўшыся на важнасьці навучаньня насельніцтва навыкам карыстаньня стралковай зброяй.
Неабходнасьць гэтага дыктуецца нестабільнасьцю абстаноўкі ў сьвеце, новымі выклікамі і пагрозамі з боку вонкавых сіл, сказаў ён.
ГЛЯДЗІЦЕ ТАКСАМА: Лукашэнка патлумачыў, чаму хадзіў з аўтаматам ля Палаца НезалежнасьціРаней Лукашэнка заяўляў, што мае на мэце ўзброіць кожную беларускую сям’ю. А падчас леташніх масавых акцый разам з малодшым сынам Мікалаем яны некалі разоў паказваліся перад камэрамі набліжаных журналістаў у бронекамізэльках і з аўтаматамі.