«Міністры фінансаў G7 дасягнулі гістарычнага пагадненьня аб рэфармаваньні сусьветнай падатковай сыстэмы для таго, каб яна адпавядала глябальнаму лічбаваму стагодзьдзю», — падкрэсьліў Сунак.
Гаворка ідзе пра тое, каб пакончыць з становішчам, калі буйныя IT-карпарацыі — Apple, Google, Amazon і іншыя, плацяць падатак толькі па месцы сваёй рэгістрацыі, але не ў краінах, дзе атрымліваюць прыбытак. Да гэтага часу сярод шматлікіх кампаній было прынята рэгістраваць свае штаб-кватэры ў краінах з больш нізкімі падаткамі.
ГЛЯДЗІЦЕ ТАКСАМА: Расея вырашыла прымусіць замежныя IT-кампаніі прапісацца на сваёй тэрыторыі, каб браць зь іх падаткіАдзіная стаўка падатку буйных карпарацый на прыбытак, як чакаецца, павінна скласьці ня менш як 15 працэнтаў.
«Падатковай рэвалюцыяй» назваў дасягнутую дамоўленасьць міністар фінансаў Нямеччыны Олаф Шольц. Як адзначае DW, пагадненьне паміж прамыслова разьвітымі краінамі цяпер павінны прыняць і іншыя дзяржавы, у прыватнасьці, «вялікая дваццатка», пасяджэньне якой пройдзе ў ліпені ў Вэнэцыі.
ГЛЯДЗІЦЕ ТАКСАМА: Міністры фінансаў G20: вялікі бізнэс павінен сумленна плаціць падаткі