Патрыярх Маскоўскі і ўсяе Русі Кірыл у сваім пасланьні перад праваслаўным Вялікаднем перасьцярог «усялякіх начальнікаў» ад пераходу да тыраніі
Пра гэта паведамляе РБК.
«Я маю на ўвазе ўсіх. І царкоўную ўладу, і сьвецкую ўладу. І духавенства, і вернікаў. І ўсялякіх начальнікаў — вялікіх і малых. Выкананьне начальніцкіх функцыяў, якія патрабуюць у тым ліку часам абмежаваньня волі іншых, не можа суправаджацца асабістай ганарыстасьцю, тады ўлада робіцца тыраніяй», — сказаў патрыярх.
Патрыярх Кірыл адзначыў, што ў вернікаў ёсьць нямала перашкодаў і спакусаў на шляху да царквы, у тым ліку «спакуса ўладай». Ён дадаў, што царква павінная пазьбягаць удзелу ў палітычнай барацьбе, якая робіцца фактарам, які разьдзяляе народ.
ГЛЯДЗІЦЕ ТАКСАМА: Праваслаўныя вернікі адзначаюць Вялікую суботу. Фота