Палітычную блогерку Вольгу Такарчук адпусцілі з ізалятара часовага ўтрыманьня пад падпіску.
Як нагадвае праваабарончы цэнтар «Вясна», яе схапілі 2 сакавіка ў межах артыкула 391 Крымінальнага кодэксу. Тады ў розных гарадах Беларусі сілавікі затрымалі блізу трох дзясяткаў адміністратараў раённых і профільных тэлеграм-чатаў.
ГЛЯДЗІЦЕ ТАКСАМА: Па Беларусі за дзень затрымалі звыш 30 чалавек, сярод іх блогеры і адміністратары чатаў. СЬПІСНа мінулым тыдні Вольгу Такарчук спрабавалі выклікаць у РУУС Першамайскага раёну сталіцы, аднак позвы яна не атрымала.
2 сакавіка яна патэлефанавала маці і пасьпела сказаць, што яе «забіраюць». Прычынай нібыта «абраза службовай асобы».
Папярэдні раз Вольгу Такарчук праваахоўнікі ўзялі 25 студзеня — тады яе муж Дзьмітры растлумачыў, што жонку затрымалі на 72 гадзіны за адзіночны пікет, падчас якога яна выпускала шарыкі з вакна.
ГЛЯДЗІЦЕ ТАКСАМА: «Пыталіся пра стасункі з NEXTА». Што вядома пра масавыя затрыманьні 2 сакавіка ў МенскуНа YouTube-канал Вольгі Такарчук падпісаныя больш за 30 тысяч чалавек.