Рэлігійная грамада царквы Хрысьціян поўнага Эвангельля «Новае жыцьцё» ў Менску атрымала судовае прадпісаньне вызваліць будынак на вуліцы Кавалёва, 72 да канца гэтага году.
Прадпісаньне папярэджвае, што ў выпадку яго невыкананьня царкву прымусова выселяць 5 студзеня 2021 г.
Нядаўна вернікі менскай царквы Хрысьціян поўнага Эвангельля «Новае жыцьцё» запісалі відэазварот з нагоды апошніх падзеяў у Беларусі. Яны выказаліся супраць забойстваў, гвалту і катаваньняў, ілжывых сьведчаньняў у судах, маніпуляцыяў, якія пачаліся пасьля сфальшаваных прэзыдэнцкіх выбараў 9 жніўня.
ГЛЯДЗІЦЕ ТАКСАМА: Вернікі пратэстанцкай царквы «Новае жыцьцё» выступілі супраць гвалту і забойстваў. ВІДЭА