Вечарам 5 ліпеня ў цэнтры сталіцы Францыі, каля музэю Люўра, прайшла акцыя ў падтрымку вольных выбараў у Беларусі — чарговы «ланцуг салідарнасьці». У сярэдзіне мінулага тыдня падобная акцыя ўжо праходзіла ў Парыжы — пад беларускай амбасадай.
УЖЫВУЮ Выбары-2020. Як праходзіць прэзыдэнцкая кампанія падчас пандэміі
Як перадае Telegram-канал «Беларусь головного мозга», удзельнікі акцыі расказвалі пра гісторыю Беларусі і пра народжанага ў Віцебску мастака парыскай школы Марка Шагала: «Шагал наш». Таксама прапаноўвалі падпісаць пэтыцыю за вызваленьне палітычных вязьняў.
Да акцыі падыходзілі турысты і дальнабойнікі зь Беларусі, расейцы і палякі, людзі іншых нацыянальнасьцяў.
Падобныя акцыі салідарнасьці зь Беларусьсю праходзяць у шмат якіх краінах, дзе ёсьць беларуская дыяспара.
ГЛЯДЗІЦЕ ТАКСАМА: У нямецкім Дзюсэльдорфе беларусы зноў выйшлі на ланцуг салідарнасьці. ФОТА ГЛЯДЗІЦЕ ТАКСАМА: Беларусы Чэхіі зьвярнуліся зь лістом да чэскага прэзыдэнта Зэмана з заклікам паўплываць на Лукашэнку ГЛЯДЗІЦЕ ТАКСАМА: Беларусы пікетавалі амбасаду ў Парыжы і сьпявалі «Bella ciao». ФОТАПрэзыдэнцкія выбары — 2020 у Беларусі. Што важна ведаць
- Шостыя ў гісторыі сувэрэннай Беларусі выбары прэзыдэнта прызначаныя на нядзелю, 9 жніўня 2020 году.
- 65-гадовы Аляксандар Лукашэнка кіруе дзяржавай 25 гадоў. Ніводныя прэзыдэнцкія выбары (2001, 2006, 2010, 2015), апроч першых (1994 год), не прызналі свабоднымі і справядлівымі на міжнародным узроўні.
- Старшыня ЦВК Лідзія Ярмошына адхіліла прапановы праваабаронцаў аб дыстанцыйных прэзыдэнцкіх выбарах у час эпідэміі COVID-19, бо «часу для прыняцьця гэтых захадаў ужо няма». Лукашэнка ня бачыў падставаў пераносіць выбары праз пандэмію.
- ЦВК зарэгістраваў 15 ініцыятыўных груп з 55 заявак.
- Аўтару YouTube-канала «Страна для жизни» Сяргею Ціханоўскаму Цэнтральная выбарчая камісія адмовіла ў рэгістрацыі ініцыятыўнай групы, бо ён адбываў 15 сутак арышту і ня мог асабіста падаць дакумэнты. Тады сваю ініцыятыўную групу ў ЦВК заявіла жонка блогера Сьвятлана Ціханоўская.
- 29 траўня на перадвыбарчым пікеце жонкі затрымалі Ціханоўскага і яшчэ 9 чалавек. Лукашэнка казаў пра акалічнасьці затрыманьня за 4 гадзіны да таго, як яно адбылося.
- 11 чэрвеня ў «Белгазпрамбанку» і шэрагу іншых кампаній прайшлі ператрусы. У Камітэце дзяржкантролю заявілі, што завялі крымінальныя справы аб легалізацыі сродкаў, атрыманых злачынным шляхам, і аб ухіленьні ад сплаты падаткаў у асабліва буйным памеры. Старшыня КДК Іван Тэртэль сьцьвярджаў, што да гэтых спраў мае дачыненьне патэнцыйны кандыдат у прэзыдэнты Віктар Бабарыка. Роўна за 4 гадзіны да заявы Дзяржкантролю Аляксандар Лукашэнка расказаў пра акалічнасьці «справы „Белгазпрамбанку“».
- 18 чэрвеня Віктара Бабарыку і яго сына, кіраўніка ініцыятыўнай групы Эдуарда Бабарыку затрымалі.
- 14 ліпеня ЦВК зарэгістраваў кандыдатамі ў прэзыдэнты Аляксандра Лукашэнку, Сьвятлану Ціханоўскую, Ганну Канапацкую, Андрэя Дзьмітрыева і Сяргея Чэрачня. Не зарэгістравалі Віктара Бабарыку і Валера Цапкалу.
- Ад пачатку выбарчай кампаніі праваабаронцы налічылі больш за 1300 затрыманых: удзельнікі «ланцугоў салідарнасьці», сябры ініцыятыўных груп, актывісты, палітыкі, блогеры, журналісты і проста мінакі на вуліцы. Сотні чалавек пакаралі адміністрацыйнымі арыштамі і аштрафавалі.