Кіраўнік гомельскай міліцыі на загад міністра Юрыя Караева папрасіў прабачэньня ў гомельскіх глуханямых. Братоў Больбухаў 19 чэрвеня брутальна затрымаў АМАП на «ланцугу салідарнасьці».
УЖЫВУЮ Выбары-2020. Як праходзіць прэзыдэнцкая кампанія падчас пандэміі
Яўген Русакевіч, старшыня Гомельскага абласнога аб’яднаньня Беларускага таварыства глухіх, патлумачыў, што сёньня прадпрыемства «ВІПРА», дзе працуюць браты Больбухі, наведаў начальнік УУС Гомельскага аблвыканкаму Аляксандар Васільеў. Ён прасіў у хлопцаў прабачэньня за затрыманьне супрацоўнікамі АМАП у Гомлі.
«Сказаў, што міліцыя не ўлічыла, што браты — інваліды па слыху, татальна глухія, таму адбылося непаразуменьне. Васільеў сказаў, што каб ведалі, што яны татальна глухія, то, канечне, не чапалі б іх», — удакладніў Русакевіч.
ГЛЯДЗІЦЕ ТАКСАМА: Міністар Караеў загадаў папрасіць прабачэньня перад глуханямымі, якіх брутальна затрымалі на акцыі ў ГомліЁн дадаў, што гаворкі пра магчымы суд па складзеных пратаколах не было.
Андрэй Больбух зазначыў у размове з журналістамі, што тыдзень надта перажываў, пасьля таго як быў затрыманы і правёў ноч у ІЧУ, а цяпер нарэшце супакоіўся.
«Мая душа спакойная, усё нармальна. Я задаволены, што так здарылася і ўсё добра скончылася», — сказаў Андрэй. Ён дадаў, што ў ізалятары яму было «трохі страшна», і лічыць, што не парушаў закон.
Андрэй (зьлева) і Віталь Больбухі
Віталь і Андрэй сказалі, што будуць гуляць па цэнтры гораду, але «асьцярожна», а ў дэманстрацыях удзельнічаць ня будуць.
«Я атрымаў задавальненьне, што перада мной папрасілі прабачэньня», — сказаў Андрэй. Ягоны брат Віталь дадаў, што «зь міліцыяй зьвязвацца ня будзем, будзем бокам абыходзіць».
Момант затрыманьня Андрэя і Віталя Больбухаў. Гомель, 19 чэрвеня 2020 году
ГЛЯДЗІЦЕ ТАКСАМА: Людзі ў розных гарадах выйшлі на «ланцугі салідарнасьці» ГЛЯДЗІЦЕ ТАКСАМА: «На дзяўчыну напалі ззаду пяцёра ў цывільным». Як адбываліся жорсткія затрыманьні ў Наваградку ГЛЯДЗІЦЕ ТАКСАМА: «Траўма галавы і гематома пад вокам». Пасьля затрыманьня АМАПам хлопец у свой дзень народзінаў трапіў у шпіталь