Пэтэр Стана, прэсавы сакратар Жузэпа Барэля, высокага прадстаўніка Эўразьвязу ў замежных справах і палітыцы бясьпекі, выступіў з заявай з нагоды прысудаў журналістам у Беларусі.
«На мінулым тыдні ў Беларусі пяць журналістаў-фрылансэраў (Міхаіл Аршынскі, Аляксандар Буракоў, Алесь Асіпцоў, Дзьмітры Лупач, Аляксандар Буракоў-малодшы) былі затрыманыя і асуджаныя да адміністрацыйных арыштаў паводле абвінавачваньняў ва ўдзеле ў несанкцыянаваных мерапрыемствах. Паведамляецца, што яны назіралі і асьвятлялі грамадзкія сходы ў падтрымку затрыманага відэаблогера Сяргея Ціханоўскага. Свабодныя, разнастайныя і незалежныя СМІ гэта адзін з нарожных камянёў дэмакратычнага грамадзтва. У час, калі Беларусь набліжаецца да кампаніі прэзыдэнцкіх выбараў, асабліва важна гарантаваць свабоду СМІ. Мы заклікаем улады неадкладна вызваліць згаданых журналістаў і гарантаваць права журналістаў рабіць сваю працу бяз страху ці перашкодаў».
ГЛЯДЗІЦЕ ТАКСАМА: З магілёўскага ізалятара неспадзявана вызвалілі арыштаванага журналіста ГЛЯДЗІЦЕ ТАКСАМА: Суткі, штрафы. Працягваюцца суды над удзельнікамі акцый ГЛЯДЗІЦЕ ТАКСАМА: На журналіста Лупача склалі новы пратакол і загадалі вярнуцца на «суткі» пасьля рэанімацыі