Турэцкі парлямэнт у аўторак, 14 красавіка ўхваліў закон, які дазваляе адпусьціць дзясяткі тысяч зьняволеных у якасьці захаду бясьпекі на фоне ўспышкі каранавірусу, расказвае «Голас Амэрыкі».
«Пасьля прыняцьця законапраекту ён набыў моц», — гаворыцца ў афіцыйным твітэры Генэральнай Асамблеі парлямэнту.
Праваабарончыя арганізацыі Human Rights Watch і Amnesty International раскрытыкавалі закон, бо на абвінавачаных паводле спрэчных антытэрарыстычных законаў ён не распаўсюджваецца.
Праваабарончыя арганізацыі таксама асудзілі выключэньне са сьпісу людзей, у тым ліку журналістаў, палітыкаў і адвакатаў, якія знаходзяцца ў сьледчых ізалятарах.
«Шмат людзей, якія знаходзяцца ў турме за тое, што яны адстойвалі свае правы — яны не рабілі ніякіх злачынстваў — выключылі з сьпісу, бо ўрад вырашыў выкарыстаць свае расплывістыя законы аб барацьбе з тэрарызмам», — заявіў Эндру Гарднэр зь Amnesty International агенцтву AFP.
Сярод тых, хто ня будзе выпушчаны на свабоду, бізнэсовец і мэцэнат Асман Кавала і курдзкі палітык Сэляхатын Дэмірташ.
ГЛЯДЗІЦЕ ТАКСАМА: «Вызваліць старых, хворых і палітвязьняў». Праваабаронцы пра становішча ў турмах падчас пандэмііАктывістка «Міжнароднай амністыі» ў Турэччыне Мілена Буюм напісала ў твітэры, што пасьля некалькіх дзён дэбатаў у парлямэнце «ніводная з паправак апазыцыі не была прынятая».
Калі кіроўная Партыя справядлівасьці і разьвіцьця (ПСР) прадставіла законапраект, у ім гаварылася, што каля 45 000 чалавек будуць вызваленыя ў адпаведнасьці з законам, які прадугледжвае датэрміновае вызваленьне, і колькасьць асобаў павялічыцца да 90 000 з улікам тых, хто будзе ўтрымлівацца пад хатнім арыштам.
Seven days on, the law on the execution of sentences and security measures is about to be voted on in parliament in #Turkey. Not one of the opposition’s amendments have been accepted. The exclusion of far too many prisoners from the possibility of early release is shameful. pic.twitter.com/bGDkqTdCSB
— Milena Buyum (@MilenaBuyum) April 13, 2020
Міністар юстыцыі Турэччыны Абдулхаміт Гюль к панядзелак заявіў, што трое зьняволеных памерлі ад COVID-19 пасьля таго, як 17 асуджаных былі заражаныя.
ГЛЯДЗІЦЕ ТАКСАМА: «Эпідэмія каранавірусу можа ператварыць месцы пазбаўленьня волі ў брацкія магілы», — заява АГП