Турэччына пагадзілася спыніць агонь на поўначы Сырыі на пяць дзён, каб курдзкія ваенныя групоўкі маглі адступіць. Пра гэта заявіў віцэ-прэзыдэнт ЗША Майк Пэнс пасьля сустрэчы з турэцкім прэзыдэнтам Рэджэпам Эрдаганам.
Мяркуецца, што пасьля таго, як сырыйскія курды пакінуць 32-кілямэтровую «бясьпечную зону» уздоўж мяжы з Турэччынай, Анкара спыніць ваенную апэрацыю.
President @RTErdogan received U.S. Vice President Pence at the Presidential Complex. pic.twitter.com/x5xaKzjiiz
— Turkish Presidency (@trpresidency) October 17, 2019
Турэцкая апэрацыя на поўначы Сырыі атрымала назву «Крыніца міру». Яе заяўленая мэта — барацьба з тэрарыстычнай групоўкай «Ісламская дзяржава» і ўзброенымі фармаваньнямі курдаў у рэгіёне, а таксама стварэньне зоны бясьпекі на сырыйска-турэцкай мяжы, што дазволіць сырыйскім уцекачам вярнуцца ў свае дамы, напісаў Эрдаган.
#OperationPeaceSpring will neutralize terror threats against Turkey and lead to the establishment of a safe zone, facilitating the return of Syrian refugees to their homes.We will preserve Syria’s territorial integrity and liberate local communities from terrorists.
— Recep Tayyip Erdoğan (@RTErdogan) October 9, 2019
Прадстаўнік «Сіл дэмакратычнай Сірыі» Мустафа Балі у сваю чаргу паведаміў, што ВПС Турцыі наносяць авіяўдары па «зонам, у якіх жывуць цывільныя» на поўначы Сырыі. Раней ён папярэдзіў, што курды «пачнуць паўсюдную вайну супраць турэцкай арміі, калі яна ўвойдзе ў падкантрольныя ім раёны».
ГЛЯДЗІЦЕ ТАКСАМА: Эрдаган выкінуў ліст прэзыдэнта ЗША, які пісаў яму: «Ня будзьце дурнем!»Белы дом афіцыйна абвясьціў, што ЗША выведуць свае войскі з раёнаў на поўначы Сырыі, у асноўным населеных курдамі, і яе будуць браць удзел у антытэрарыстычнай апэрацыі Турэччыны супраць баевікоў «Ісламскай дзяржавы» у гэтым раёне.
У 2016 годзе кантралюючыя паўночную частку Сырыі курды абвясьцілі аб стварэньні фэдэратыўнага рэгіёну «Роджава — Паўночная Сырыя»: у яго ўвайшлі тры раёны пад кантролем курдзкіх сіл — Джазіра, Кобань і Афрын.