У траўні працаўнікам у Беларусі налічылі ў сярэднім 1071,6 рубля, паводле зьвестак Белстату. Гэта на 2,1 рубля менш, чым у красавіку (было 1073,7 рубля).
Летась у траўні сярэдні заробак складаў 943,9 рубля.
Да ўзроўню «па пяцьсот» даляраў, якія Аляксандар Лукашэнка абяцае больш як 12 гадоў, заробкі падскоквалі ў сьнежні 2018 году, але ўпалі ўжо ў студзені. Заробкі, ніжэйшыя за 500 даляраў, адзначаныя і на большасьці прамысловых прадпрыемстваў — ёсьць такія заводы, дзе налічваюць менш за 300.
ГЛЯДЗІЦЕ ТАКСАМА: Як штучны рост заробкаў зьвязаны зь іміджам Лукашэнкі перад выбараміЗа апошнія чатыры гады самы вялікі сярэдні заробак беларусы мелі ў сьнежні 2014 году — 623 даляры. Гэта на 106 даляраў вышэй, чым цяпер.
ГЛЯДЗІЦЕ ТАКСАМА: Пасьля страйку рабочым у Гатаве выплацілі заробак за 2 месяцыСярэдні налічаны заробак — ня той, што атрымлівае на рукі сярэднестатыстычны беларус. Гэта сума да выманьня падаткаў і збораў. Яна вылічваецца праз складаньне ўсіх заробкаў і дзяленьне на колькасьць працаўнікоў.
Заробак сярэднестатыстычнага беларуса (адносна якога палова атрымлівае больш, а палова менш) завецца мэдыянным. У лістападзе мінулага году ён быў роўны 751,1 рубля — крыху больш за 350 даляраў.
ГЛЯДЗІЦЕ ТАКСАМА: Якія спэцыялісты ў Менску самыя запатрабаваныя і колькі яны зарабляюць. Інфаграфіка