Міжнародная фэдэрацыя футбола (FIFA) запрасіла дзяцей, якіх нядаўна выратавалі з затопленай пячоры ў Тайляндзе, узяць удзел у фінале чэмпіянату сьвету ў Маскве 15 ліпеня, але лекары кажуць, што ім рана ажыцьцяўляць такую вандроўку.
Апошнія ўдзельнікі групы з футбольнага клюбу Wild Boars выйшлі з затопленага пячорнага комплексу 10 ліпеня — яны правялі пад зямлёй 17 дзён. Іх верталётам, а потым аўтатранспартам даставілі ў лякарню, разьмешчаную за 70 кілямэтраў ад пячоры.
Twelve boys and their soccer coach have been found alive in a cave in Thailand after going missing nine days ago, an official says. Follow live updates: https://t.co/Woh972K2w3 pic.twitter.com/49oTabfxzW
— CNN Breaking News (@cnnbrk) 2 июля 2018 г.
Хлопцы ва ўзросьце 11-16 гадоў і іхны трэнэр застаюцца ў шпіталі.
23 чэрвеня 12 гульцоў дзіцячай футбольнай каманды ва ўзросьце ад 11 да 16 гадоў з трэнэрам схаваліся ў пячоры ад дажджоў, але апынуліся ў пастцы: уваход у пячору неўзабаве затапіла празь ліўні. Хлопчыкаў удалося знайсьці толькі празь дзевяць дзён.
Выратавальная апэрацыя прыцягнула ўвагу ўсяго сьвету, ратаваць сабраліся вадалазы з многіх краінаў сьвету, у першую чаргу з Эўропы. Падчас апэрацыі адзін зь іх — тайляндзкі ратавальнік — загінуў. Самарн Куна вяртаўся з гроту, у якім знаходзіліся дзеці, праз затопленыя праходы, калі ў яго скончыўся кісларод, і страціў прытомнасьць.
Падчас выратавальнай апэрацыі
Пячора Тхам Люанг складаецца з вузкіх праходаў, якія вядуць да гроту, які зноў пераходзіць у вузкія праходы. Усяго яна расьцягнутая на 10 кілямэтраў, яе глыбіня адрозьніваецца. Меркавалася, што хлопчыкі знаходзіліся на глыбіні ад двух кілямэтраў да 800 мэтраў. Уваход у пячору знаходзіўся пад вадой, і дабрацца да дзяцей можна было толькі праз вузкае «жарало», у якім зь цяжкасьцю зьмяшчаецца адзін чалавек.