У форуме бяруць удзел намесьнік прэм’ер-міністра, міністар разьвіцьця Польшчы Матэвуш Маравецкі, амбасадар Польшчы ў Беларусі Конрад Паўлік, старшыня Савету Рэспублікі Нацыянальнага Сходу Беларусі Міхаіл Мясьніковіч, віцэ-прэм’ер Міхаіл Русы.
Матэвуш Маравецкі
Раніцай Матэвуш Маравецкі сустрэўся з Аляксандрам Лукашэнкам і Андрэем Кабяковым.
Старшыня Савету Рэспублікі Міхаіл Мясьніковіч выступіў па-беларуску:
Міхаіл Мясьніковіч (зьлева) і Міхаіл Русы
«Беларусь і Польшчу зьвязвае ня толькі агульная мяжа. Мы суседзі. Я задаволены цяперашнімі беларуска-польскімі стасункамі, але наперадзе шмат працы. Мы створым максымальна камфортныя ўмовы для разьвіцьця нашых эканамічных дачыненьняў».
Міхаіл Мясьніковіч павіншаваў амбасадара Польшчы Конрада Паўліка, якому сёньня споўнілася 40 гадоў, і ўручыў яму кветкі.
Віцэ-прэм’ер Міхаіл Русы паведаміў, што таваразварот паміж Польшчай і Беларусьсю сёлета перавысіць 2,5 мільярда даляраў. Але ў найбліжэйшых плянах — давесьці таваразварот да 4 мільяраў даляраў на год.