На працягу гэтага тыдня польскія ўлады зьбіраюцца аднавіць працу камісіі па расьсьледаваньні авіяцыйных здарэньняў. Яна зноў будзе займацца крушэньнем Ту-154М пад Смаленскам, якая забрала жыцьцё прэзыдэнта Польшчы Леха Качынскага. Пра гэта паведаміў сакратар Міністэрства абароны Бартламей Місевіч ў эфіры TVP.
«На 99 адсоткаў камісія па расьсьледаваньні авіяцыйных здарэньняў, якая дэ-факта пачне з пачатку добрасумленна высьвятляць прычыны авіякатастрофы пад Смаленскам, будзе заснавана міністрам абароны на гэтым тыдні», — цытуе Місевіча ТАСС.
Сакратар адзначыў, што новая група з 10 чалавек пачне сваю працу «з моманту рамонту Тую-154». Па словах Місевіча, у склад камісіі ўвайшлі як польскія, так і замежныя экспэрты.
Нагадаем, што 10 красавіка 2010 году ў выніку катастрофы польскага прэзыдэнцкага самалёта Ту-154М пад Смаленскам загінулі ўсе 96 пасажыраў, якія знаходзіліся на борце, у тым ліку прэзыдэнт рэспублікі Лех Качынскі. Кропку ў расьсьледаваньні прычын катастрофы не паставілі да гэтага часу, нягледзячы на тое, што некалькі разоў аб’яўлялі аб выніках. У Польшчы настойвалі на пераглядзе выніковага дакладу Варшавы, згодна зь якім асноўная віна ляжыць на Польшчы.
У лістападзе 2014 году было абвешчана: польская пракуратура завяршыла расьсьледаваньне справы аб крушэньні прэзыдэнцкага самалёта, зачыніўшы справа «ў сувязі з адсутнасьцю прыкмет злачынства».
Аднак затым справу адкрылі, каб паўторна расшыфраваць перамовы пілётаў з дыспэтчарамі пры дапамозе новага абсталяваньня і праграм. У красавіку 2015 году стала вядома, што да апошняй хвіліны ў кабіне прэзыдэнцкага самалёта знаходзіўся староньні чалавек — камандуючы ВПС Польшчы Анджэй Бласік. Ён патрабаваў ад пілётаў ісьці да канца і паспрабаваць зрабіць пасадку ў складаных умовах, а таксама праігнараваў патрабаваньні членаў экіпажу заняць сваё месца.
Аднак за месяц да гэтага, у сакавіку 2015 году польская ваенная пракуратура прад’явіла абвінавачваньні двум расейскім авіядыспэтчарам. Адзін зь іх абвінавачваецца ў стварэньні сытуацыі прамой небясьпекі ў паветры, другі — у ненаўмысна давядзеньні да катастрофы. Пры гэтым пракуроры прызналі, што галоўнай прычынай крушэньня сталі ўсё ж дзеяньні экіпажу. Пілёты пайшлі на зьніжэньне самалёта ніжэй мінімальна дапушчальнай для гэтага вышыні. Ва ўмовах дрэннай бачнасьці з-за туману яны ня мелі права зьніжацца на вышыню менш за 120 мэтраў.