29 студзеня ў судзе Ашмянскага раёну Гарадзенскай вобласьці заплянаванае папярэдняе судовае паседжаньне па разглядзе скаргі праваабаронцы Тацяны Равякі на дзеяньні Ашмянскай мытні.
Сябра рады праваабарончага цэнтру «Вясна» мае намер абскардзіць працэс прызначэньня экспэртызы ў справе пра кнігу Алеся Бяляцкага «Асьвечаныя беларушчынай».
«Я лічу яго незаконным з самага пачатку, паколькі Ашмянская мытня ў абодвух выпадках прызначыла экспэртамі адмыслоўцаў галоўнага ўпраўленьня ідэалягічнай працы, культуры і спраў моладзі Гарадзенскага аблвыканкаму, які не ўпаўнаважаны на правядзеньне падобных дзеяньняў», — заявіла Тацяна Равяка ў інтэрвію БелаПАН.
«Я б хацела, каб працэдура прызначэньня экспэртызаў проста ўвайшла ў законнае рэчышча. Гэта тое, чаго да гэтага часу не было», — дадала праваабаронца.
6 студзеня Тацяна Равяка атрымала пастанову Ашмянскай мытні пра тое, што цягам 10 дзён яна павінна вывезьці за межы Беларусі 40 асобнікаў кнігі Бяляцкага.
«Ліст з Ашмянскай мытні хітры: напісалі, што правялі паўторную экспэртызу кнігі, па выніках якой выданьне ўнесена ў пералік рэчаў, да якіх ужываецца забарона на ўвоз. Пры гэтым вынікаў самой экспэртызы не дасылаюць... Толькі пішуць пра разьдзел 1.3 Адзінага пераліку. Паглядзела я гэты разьдзел: мамачкі, там і тэрарызм, і экстрэмізм, і парнаграфія, і нацызм... Самае чалавечнае — гэта «можа нанесьці шкоду палітычным ці эканамічным інтарэсам дзяржаваў — сябраў Мытнага зьвязу, іх дзяржаўнай бясьпецы, здароўю і маральнасьці грамадзян». Відаць, гэта датычыць «Асьвечаных...», — напісала тады Равяка на сваёй старонцы ў Фэйсбуку.
Мытнікі сканфіскавалі кнігі ў Тацяны Равякі на пачатку ліпеня 2013-га.
Кнігу зьняволенага праваабаронцы Алеся Бяляцкага «Асьвечаныя Беларушчынай» надрукавалі ў Літве. Тацяна Равяка везла асобнікі для сяброў Бяляцкага.
Кніга намінавалася на прэмію Францішка Аляхновіча, заснаваную Радыё Свабода і ПЭН-цэнтрам.
Старшыня праваабарончага цэнтру «Вясна» Алесь Бяляцкі ў 2011 годзе быў асуджаны на 4,5 года зьняволеньня паводле абвінавачаньня ва ўтойваньні прыбыткаў з-за мяжы. Праваабаронца заявіў у судзе, што грошы ішлі на дапамогу ахвярам палітычных рэпрэсіяў. Трымаюць Бяляцкага ў бабруйскай калёніі.
«Я лічу яго незаконным з самага пачатку, паколькі Ашмянская мытня ў абодвух выпадках прызначыла экспэртамі адмыслоўцаў галоўнага ўпраўленьня ідэалягічнай працы, культуры і спраў моладзі Гарадзенскага аблвыканкаму, які не ўпаўнаважаны на правядзеньне падобных дзеяньняў», — заявіла Тацяна Равяка ў інтэрвію БелаПАН.
«Я б хацела, каб працэдура прызначэньня экспэртызаў проста ўвайшла ў законнае рэчышча. Гэта тое, чаго да гэтага часу не было», — дадала праваабаронца.
6 студзеня Тацяна Равяка атрымала пастанову Ашмянскай мытні пра тое, што цягам 10 дзён яна павінна вывезьці за межы Беларусі 40 асобнікаў кнігі Бяляцкага.
«Ліст з Ашмянскай мытні хітры: напісалі, што правялі паўторную экспэртызу кнігі, па выніках якой выданьне ўнесена ў пералік рэчаў, да якіх ужываецца забарона на ўвоз. Пры гэтым вынікаў самой экспэртызы не дасылаюць... Толькі пішуць пра разьдзел 1.3 Адзінага пераліку. Паглядзела я гэты разьдзел: мамачкі, там і тэрарызм, і экстрэмізм, і парнаграфія, і нацызм... Самае чалавечнае — гэта «можа нанесьці шкоду палітычным ці эканамічным інтарэсам дзяржаваў — сябраў Мытнага зьвязу, іх дзяржаўнай бясьпецы, здароўю і маральнасьці грамадзян». Відаць, гэта датычыць «Асьвечаных...», — напісала тады Равяка на сваёй старонцы ў Фэйсбуку.
Мытнікі сканфіскавалі кнігі ў Тацяны Равякі на пачатку ліпеня 2013-га.
Кніга Алеся Бяляцкага «Асьвечаныя Беларушчынай»
Кнігу зьняволенага праваабаронцы Алеся Бяляцкага «Асьвечаныя Беларушчынай» надрукавалі ў Літве. Тацяна Равяка везла асобнікі для сяброў Бяляцкага.
Кніга намінавалася на прэмію Францішка Аляхновіча, заснаваную Радыё Свабода і ПЭН-цэнтрам.
Старшыня праваабарончага цэнтру «Вясна» Алесь Бяляцкі ў 2011 годзе быў асуджаны на 4,5 года зьняволеньня паводле абвінавачаньня ва ўтойваньні прыбыткаў з-за мяжы. Праваабаронца заявіў у судзе, што грошы ішлі на дапамогу ахвярам палітычных рэпрэсіяў. Трымаюць Бяляцкага ў бабруйскай калёніі.