Пасьля шматлікіх пісьмовых зваротаў — як ад дэмакратычных актывістаў, так і ад шараговых жыхароў — у Воршы зачынілі мост цераз Днепр. Пытаньне фінансаваньня яго рамонту застаецца адкрытым.
Каб забараніць рух транспарту па аварыйным мосьце, спатрэбілася каля двух гадоў, гаворыць актывіст аргкамітэту па стварэньні партыі БХД Яўген Анішчанка:
«Я асабіста напісаў дзясяткі два лістоў ва ўсе магчымыя інстанцыі, у тым ліку ў Міністэрства па надзвычайных сытуацыях. Адтуль мне адказалі: маўляў, разваліцца ваш дзіравы мост — тады і зьвяртайцеся! Ён і разваліўся: увосень абрынуліся тры пралёты парэнчаў; на шчасьце, ніхто не пацярпеў. 5 лістапада ў Воршу прыяжджаў старшыня аблвыканкаму Аляксандар Косінец. Ён асабіста агледзеў мост, які ўжо гадоў 10 як прызнаны аварыйным, і загадаў спыніць па ім транспартны рух. Але яшчэ тыдні з два аўтобусы так і вазілі пасажыраў па гэтай „дарозе сьмерці“. Тады пасыпаліся новыя звароты: калі ж будзе выконвацца загад губэрнатара? Нарэшце рух па мосьце забаранілі, але колькі яго будуць рамантаваць, а галоўнае — за якія грошы?»
Мост злучае раён ільнокамбіната зь вялікімі «спальнымі» раёнамі. Цяпер аршанцы дабіраюцца на працу ў аб’езд, а гэта доўга і нязручна.
Аднак абмяркоўваць праблему з мостам улады не дазваляюць: пікет, заяўлены мясцовымі актывістамі, быў забаронены. Актывісты лічаць забарону пікету незаконнай; яны падалі ў суд на райвыканкам.
Пасьля візыту ў Воршу старшыня аблвыканкаму Аляксандар Косінец агучыў суму, неабходную для рамонту моста, — 350-370 мільярдаў рублёў. Раней у пісьмовых адказах актывістам чыноўнікі пісалі пра 105 мільярдаў і адзначалі, што сёлета выдаткавана 5 мільярдаў, а гэта такая мізэрная сума, што ніякія працы ня сталі і пачынаць.
28 лістапада на пасяджэньні аблвыканкаму Косінец абвясьціў, што ўлады выдаткоўваюць на рамонт аварыйнага моста яшчэ 1 мільярд рублёў і абяцаюць адрамантаваць мост за два гады.
Пакуль мост развальваўся на вачох, у Воршы апошнія 5 гадоў будавалі лядовы палац. Праўда, «Лядовую арэну» яшчэ не адчынілі, хаця і гэта абяцалі зрабіць яшчэ два гады таму. Але грошай у гэтае будаўніцтва ўкладзена ў шмат разоў болей, чым было неабходна для рамонту моста.
«Я асабіста напісаў дзясяткі два лістоў ва ўсе магчымыя інстанцыі, у тым ліку ў Міністэрства па надзвычайных сытуацыях. Адтуль мне адказалі: маўляў, разваліцца ваш дзіравы мост — тады і зьвяртайцеся! Ён і разваліўся: увосень абрынуліся тры пралёты парэнчаў; на шчасьце, ніхто не пацярпеў. 5 лістапада ў Воршу прыяжджаў старшыня аблвыканкаму Аляксандар Косінец. Ён асабіста агледзеў мост, які ўжо гадоў 10 як прызнаны аварыйным, і загадаў спыніць па ім транспартны рух. Але яшчэ тыдні з два аўтобусы так і вазілі пасажыраў па гэтай „дарозе сьмерці“. Тады пасыпаліся новыя звароты: калі ж будзе выконвацца загад губэрнатара? Нарэшце рух па мосьце забаранілі, але колькі яго будуць рамантаваць, а галоўнае — за якія грошы?»
Мост злучае раён ільнокамбіната зь вялікімі «спальнымі» раёнамі. Цяпер аршанцы дабіраюцца на працу ў аб’езд, а гэта доўга і нязручна.
Аднак абмяркоўваць праблему з мостам улады не дазваляюць: пікет, заяўлены мясцовымі актывістамі, быў забаронены. Актывісты лічаць забарону пікету незаконнай; яны падалі ў суд на райвыканкам.
Пасьля візыту ў Воршу старшыня аблвыканкаму Аляксандар Косінец агучыў суму, неабходную для рамонту моста, — 350-370 мільярдаў рублёў. Раней у пісьмовых адказах актывістам чыноўнікі пісалі пра 105 мільярдаў і адзначалі, што сёлета выдаткавана 5 мільярдаў, а гэта такая мізэрная сума, што ніякія працы ня сталі і пачынаць.
28 лістапада на пасяджэньні аблвыканкаму Косінец абвясьціў, што ўлады выдаткоўваюць на рамонт аварыйнага моста яшчэ 1 мільярд рублёў і абяцаюць адрамантаваць мост за два гады.
Пакуль мост развальваўся на вачох, у Воршы апошнія 5 гадоў будавалі лядовы палац. Праўда, «Лядовую арэну» яшчэ не адчынілі, хаця і гэта абяцалі зрабіць яшчэ два гады таму. Але грошай у гэтае будаўніцтва ўкладзена ў шмат разоў болей, чым было неабходна для рамонту моста.