Набіць «Пагоню» — гэта папсова, лепш ужо Каліноўскага ці Булак-Булаховіча. Майку зь Юрыем Рубцовым у майцы «Лукашэнка, сыходзь!» цяпер можна выйграць. Кнігі Вацлава Ластоўскага, Уладзіміра Караткевіча, Францішка Аляхновіча, а таксама Ўладзімера Высоцкага ў перакладзе на беларускую мову можна вольна спампаваць і чытаць у мабільным.
У рубрыцы Радыё Свабода «Сеткі падказалі» мы знаёмім вас зь цікавымі навінамі і тэмамі, якія зьяўляюцца, абмяркоўваюцца і намі выхопліваюцца з сацыяльных сетак.
«Пагоняй» на руцэ, назе, грудзях ці якой іншай частцы цела цяпер нікога ня зьдзівіш, а некаторыя лічаць гэта ўжо і папсовай зьяваю, не арыгінальнай. Набіваюць беларусы, акрамя «Пагоні», Кастуся Каліноўскага, Булак-Булаховіча і нават фрагмэнты ілюстрацыяў зь Бібліі Францішка Скарыны.
Папулярнасьць беларускіх нацыяналістычных, патрыятычных і народных матываў у татуіроўцы падмацоўвае і новая інтэрактыўная суполка «Айчына на скуры», якая ўзьнікла ў сацыяльнай сетцы «Вконтакте» ў верасьні гэтага году.
Пазнаёміцца зь цікавымі татушкамі, папрасіць эскіз у аўтараў, паглядзець відэа з тату-салёну ды даслаць фота сваёй татуіроўкі адпаведнай тэматыкі — усё гэта можна зрабіць у суполцы «Lit Kriu Tatu».
Гомельская ініцыятыва «Хопіць піць — трэба жыць» выпусьціла майку зь Юрыем Рубцовым у майцы «Лукашэнка, сыходзь!». Нагадаем: за тое, што ў гэтай майцы прыйшоў на шэсьце на Дзяды, Юрый Рубцоў быў затрыманы 3 лістапада і асуджаны на трое сутак.
Цяпер майку з фатаздымкам актывіста і надпісам «Згодны зь Юрыем Рубцовым» можна выйграць. Умовы конкурсу — у суполцы ініцыятывы.
Ініцыятыва МТС «Мабільная бібліятэка» атрымала працяг. Мы ўжо звыкліся, што чытаць кнігі можна ня толькі на паперы, але і ў мабільных ды кампутарных прыладах.
Для прасунутых чытачоў і была створаная суполка «Беларуская літаратура». Тут прадстаўленыя ў папулярных фарматах для электронных прыладаў цікавыя і рарытэтныя беларускамоўныя кнігі айчынных і замежных аўтараў: Вацлава Ластоўскага «Што трэба ведаць кожнаму беларусу», Уладзіміра Караткевіча «Зямля пад белымі крыламі», Францішка Аляхновіча «Пан міністар», Уладзіміра Высоцкага (пераклад Міхася Булавацкага). «Я не падману: вершы, песні, балады» ды іншыя.
У суполцы амаль штодзённа зьяўляюцца новыя выданьні з кароткім апісаньнем і файламі для спампоўваньня ў розных фарматах.
У рубрыцы Радыё Свабода «Сеткі падказалі» мы знаёмім вас зь цікавымі навінамі і тэмамі, якія зьяўляюцца, абмяркоўваюцца і намі выхопліваюцца з сацыяльных сетак.
Айчына на скуры
«Пагоняй» на руцэ, назе, грудзях ці якой іншай частцы цела цяпер нікога ня зьдзівіш, а некаторыя лічаць гэта ўжо і папсовай зьяваю, не арыгінальнай. Набіваюць беларусы, акрамя «Пагоні», Кастуся Каліноўскага, Булак-Булаховіча і нават фрагмэнты ілюстрацыяў зь Бібліі Францішка Скарыны.
Папулярнасьць беларускіх нацыяналістычных, патрыятычных і народных матываў у татуіроўцы падмацоўвае і новая інтэрактыўная суполка «Айчына на скуры», якая ўзьнікла ў сацыяльнай сетцы «Вконтакте» ў верасьні гэтага году.
Пазнаёміцца зь цікавымі татушкамі, папрасіць эскіз у аўтараў, паглядзець відэа з тату-салёну ды даслаць фота сваёй татуіроўкі адпаведнай тэматыкі — усё гэта можна зрабіць у суполцы «Lit Kriu Tatu».
Майка з «чалавекам-майкай»
Гомельская ініцыятыва «Хопіць піць — трэба жыць» выпусьціла майку зь Юрыем Рубцовым у майцы «Лукашэнка, сыходзь!». Нагадаем: за тое, што ў гэтай майцы прыйшоў на шэсьце на Дзяды, Юрый Рубцоў быў затрыманы 3 лістапада і асуджаны на трое сутак.
Цяпер майку з фатаздымкам актывіста і надпісам «Згодны зь Юрыем Рубцовым» можна выйграць. Умовы конкурсу — у суполцы ініцыятывы.
Электронны Ластоўскі
Ініцыятыва МТС «Мабільная бібліятэка» атрымала працяг. Мы ўжо звыкліся, што чытаць кнігі можна ня толькі на паперы, але і ў мабільных ды кампутарных прыладах.
Для прасунутых чытачоў і была створаная суполка «Беларуская літаратура». Тут прадстаўленыя ў папулярных фарматах для электронных прыладаў цікавыя і рарытэтныя беларускамоўныя кнігі айчынных і замежных аўтараў: Вацлава Ластоўскага «Што трэба ведаць кожнаму беларусу», Уладзіміра Караткевіча «Зямля пад белымі крыламі», Францішка Аляхновіча «Пан міністар», Уладзіміра Высоцкага (пераклад Міхася Булавацкага). «Я не падману: вершы, песні, балады» ды іншыя.
У суполцы амаль штодзённа зьяўляюцца новыя выданьні з кароткім апісаньнем і файламі для спампоўваньня ў розных фарматах.