Прэзыдэнт ЗША Барак Абама падпісаў закон, які дазваляе пазьбегнуць дэфолту і аднавіць працу ўраду.
Белы дом заявіў, што Абама падпісаў закон неўзабаве пасьля таго, як дакумэнт быў зацьверджаны Палатай прадстаўнікоў і Сэнатам.
Бюджэтная ўправа Белага дому паведаміла, што фэдэральныя служачыя могуць вярнуцца на працу ўжо ў чацьвер.
Новае заканадаўства прадугледжвае часовае рашэньне. 986 мільярдаў даляраў будзе выдаткавана на бюджэтнае фінансаваньне. Гэта дазволіць дзяржаўным установам працаваць да 15 студзеня, а ураду — браць пазыкі да 7 лютага 2014 году.
Амэрыканскія заканадаўцы мусяць да 13 сьнежня выпрацаваць дэталі пагадненьня ў адмысловым узгадняльным камітэце, скліканьне якога рэспубліканцы блякавалі ўжо амаль 20 разоў
Крысьцін Лагард, дырэктарка Міжнароднага валютнага фонду, якая раней папярэджвала пра страты для ўсясьветнай эканомікі ад бюджэтнага крызісу ў ЗША, вітала рашэньне Палаты прастаўнікоў і Сэнату.
Прэзыдэнт Усясьветнага банку Джым Ён Кім заявіў, што глябальнай эканоміцы атрымалася пазьбегнуць «патэнцыйнай катастрофы» .
Раней палітыкі, банкіры і эканамісты папярэджвалі пра сур’ёзныя наступствы для ўсясьветнай эканомікі ў выпадку, калі Кангрэс і Белы дом не дасягнуць кампрамісу.
Прэзыдэнт Барак Абама пасьлядоўна аспрэчваў спробы рэспубліканцаў дамагчыся яго саступак у абмен на пагадненьне па дзярждоўгу, назваўшы іх тактыку шантажом і вымагальніцтвам.
Рэспубліканцы ў першую чаргу дамагаліся ўнясеньня істотных паправак у прыняты ў 2010 годзе закон пра рэформы у страхавой сыстэме аховы здароўя, які Абама лічыць адным са сваіх галоўных дасягненьняў на прэзыдэнцкай пасадзе.
Бюджэтная ўправа Белага дому паведаміла, што фэдэральныя служачыя могуць вярнуцца на працу ўжо ў чацьвер.
Новае заканадаўства прадугледжвае часовае рашэньне. 986 мільярдаў даляраў будзе выдаткавана на бюджэтнае фінансаваньне. Гэта дазволіць дзяржаўным установам працаваць да 15 студзеня, а ураду — браць пазыкі да 7 лютага 2014 году.
Амэрыканскія заканадаўцы мусяць да 13 сьнежня выпрацаваць дэталі пагадненьня ў адмысловым узгадняльным камітэце, скліканьне якога рэспубліканцы блякавалі ўжо амаль 20 разоў
Крысьцін Лагард, дырэктарка Міжнароднага валютнага фонду, якая раней папярэджвала пра страты для ўсясьветнай эканомікі ад бюджэтнага крызісу ў ЗША, вітала рашэньне Палаты прастаўнікоў і Сэнату.
Прэзыдэнт Усясьветнага банку Джым Ён Кім заявіў, што глябальнай эканоміцы атрымалася пазьбегнуць «патэнцыйнай катастрофы» .
Раней палітыкі, банкіры і эканамісты папярэджвалі пра сур’ёзныя наступствы для ўсясьветнай эканомікі ў выпадку, калі Кангрэс і Белы дом не дасягнуць кампрамісу.
Прэзыдэнт Барак Абама пасьлядоўна аспрэчваў спробы рэспубліканцаў дамагчыся яго саступак у абмен на пагадненьне па дзярждоўгу, назваўшы іх тактыку шантажом і вымагальніцтвам.
Рэспубліканцы ў першую чаргу дамагаліся ўнясеньня істотных паправак у прыняты ў 2010 годзе закон пра рэформы у страхавой сыстэме аховы здароўя, які Абама лічыць адным са сваіх галоўных дасягненьняў на прэзыдэнцкай пасадзе.