4 жніўня ў Марыінскім парку ў Кіеве ўкраінскія грамадзкія арганізацыі створаць «Прастору Вольнай Беларусі».
Цэлы шэраг мерапрыемстваў прымеркаваны да Дня салідарнасьці з грамадзянскай супольнасьцю Беларусі, які спалучае праваабарончы і культурна-мастацкі складнікі.
У нядзелю з 12.00 і цягам цэлага дня пройдуць фотавыстава, пэрформанс на тэму правоў чалавека ў Беларусі, збор подпісаў пад пэтыцыямі Amnesty International супраць сакрэтнасьці вакол сьмяротнага пакараньня ў Беларусі і ў абарону беларускай грамадзянскай супольнасьці, акцыі «Свабодны ўнівэрсытэт», «Беларускі боды-арт» ды іншыя.
У 16.00 пачнуцца лекцыя пра гісторыю палітычнай карыкатуры і майстар-кляс ад вядомага ўкраінскага карыкатурыста, пераможца і прызёра шматлікіх конкурсаў карыкатуры Алега Смаля.
Цэнтральная вячэрняя падзея ў рамках акцыі — спэцыяльны паказ дакумэнтальнай стужкі «Даволі! Да волі...» беларускіх рэжысёраў Андрэя Куцілы і Вячаслава Ракіцкага (2011). Фільм, прадстаўлены на міжнародным фэстывалі дакумэнтальнага кіно аб правах чалавека Docudays UA, распавядае пра падзеі сьнежня 2010 году ў Менску, калі пасьля прэзыдэнцкіх выбараў тысячы людзей выйшлі на вуліцы зь мірным пратэстам. Дэманстрацыя фільму пачнецца ў 20.30.
Пасьля паказу адбудзецца абмеркаваньне фільму і сытуацыі ў Беларусі з удзелам беларускіх палітычных эмігрантаў і сяброў Міжнароднай назіральнай місіі Камітэту міжнароднага кантролю за сытуацыяй з правамі чалавека ў Беларусі.
Акцыі салідарнасьці таксама заплянаваныя ў ЗША, Вялікай Брытаніі, Швэцыі, Нямеччыне, Літве, Расеі, Украіне, Казахстане і Кіргізстане. Пра гэта Радыё Свабода паведаміла каардынатарка праекту Лада Бурдачова. Акцыі прымеркаваныя да другой гадавіны арышту праваабаронцы Алеся Бяляцкага.
У нядзелю з 12.00 і цягам цэлага дня пройдуць фотавыстава, пэрформанс на тэму правоў чалавека ў Беларусі, збор подпісаў пад пэтыцыямі Amnesty International супраць сакрэтнасьці вакол сьмяротнага пакараньня ў Беларусі і ў абарону беларускай грамадзянскай супольнасьці, акцыі «Свабодны ўнівэрсытэт», «Беларускі боды-арт» ды іншыя.
У 16.00 пачнуцца лекцыя пра гісторыю палітычнай карыкатуры і майстар-кляс ад вядомага ўкраінскага карыкатурыста, пераможца і прызёра шматлікіх конкурсаў карыкатуры Алега Смаля.
Цэнтральная вячэрняя падзея ў рамках акцыі — спэцыяльны паказ дакумэнтальнай стужкі «Даволі! Да волі...» беларускіх рэжысёраў Андрэя Куцілы і Вячаслава Ракіцкага (2011). Фільм, прадстаўлены на міжнародным фэстывалі дакумэнтальнага кіно аб правах чалавека Docudays UA, распавядае пра падзеі сьнежня 2010 году ў Менску, калі пасьля прэзыдэнцкіх выбараў тысячы людзей выйшлі на вуліцы зь мірным пратэстам. Дэманстрацыя фільму пачнецца ў 20.30.
Пасьля паказу адбудзецца абмеркаваньне фільму і сытуацыі ў Беларусі з удзелам беларускіх палітычных эмігрантаў і сяброў Міжнароднай назіральнай місіі Камітэту міжнароднага кантролю за сытуацыяй з правамі чалавека ў Беларусі.
Акцыі салідарнасьці таксама заплянаваныя ў ЗША, Вялікай Брытаніі, Швэцыі, Нямеччыне, Літве, Расеі, Украіне, Казахстане і Кіргізстане. Пра гэта Радыё Свабода паведаміла каардынатарка праекту Лада Бурдачова. Акцыі прымеркаваныя да другой гадавіны арышту праваабаронцы Алеся Бяляцкага.