У Гомелі кандыдаты правялі толькі адну сустрэчу з выбарцамі. Адбылося гэта ў сярэдняй школе № 22. Выбарчая камісія Прамысловай акругі № 34 ладзіла сустрэчу, па сутнасьці, для аднаго праўладнага кандыдата — галоўнай лекаркі кардыялягічнага дыспансэру, дзейнага чальца Савету Рэспублікі Ганны Лапацінай, якая праз працоўныя калектывы й збор подпісаў вылучылася ў Палату прадстаўнікоў.
Галіна Краўчанка, сябра руху «За свабоду» й кандыдат у дэпутаты па Прамысловай выбарчай акрузе, пра сустрэчу даведалася выпадкова: «Акруговая камісія мяне не папярэдзіла, што будзе сустрэча. Я даведалася пра гэтую сустрэчу ад журналістаў».
Галіна кажа, што паўнавартаснай агітацыі весьці ня можа — няма пакуль улётак зь яе біяграфіяй і праграмнымі тэзісамі. Акруговая камісія надрукавала толькі партрэты з пазначэньнем прозьвішча й нумара акругі, у якой яна балятуецца. Асноўныя агітацыйныя матэрыялы будуць гатовыя толькі на наступным тыдні.
Такая ж сытуацыя з вырабам агітацыйных матэрыялаў і ў іншых кандыдатаў ад апазыцыі.
Сябра Аб’яднанай грамадзянскай партыі й кандыдат у дэпутаты ў Гомельскай-Навабеліцкай выбарчай акрузе № 36 Уладзімер Няпомняшчых кажа, што акруговай камісіі прыйшлася не даспадобы ягоная майка:
З-за майкі й заклікаў да байкоту выбараў тэлевыступ апазыцыйнага кандыдата Няпомняшчых не пусьцілі ў эфір.
Яшчэ адзін кандыдат у Навабеліцкай выбарчай акрузе № 36, вылучэнец Лібэральна-дэмакратычнай партыі, не скарыстаўся сваім правам тэлезвароту да выбарцаў.
Выступіў па тэлебачаньні толькі кандыдат ад улады — Ігар Пракапенка, былы памочнік прэзыдэнта ў рэгіёне, вызвалены 6 жніўня Аляксандрам Лукашэнкам з гэтай пасады.
Праўладны кандыдат хоча, каб законы ў Беларусі распрацоўваліся й прымаліся «людзьмі адказнымі і неабыякавымі». Пракапенка лічыць, што ў яго асабіста дзеля гэтага ёсьць досьвед , бо ён прайшоў шлях «ад эканаміста саўгаса да памочніка прэзыдэнта».
У выступе Ігар Пракапенка запэўніў выбарцаў, што добра ўяўляе сабе кола праблем і мясцовага значэньня: «Ацяпленьне жылых памяшканьняў, асьвятленьне вуліц і асфальтаваньне дарог прыватнага сэктару. Адсутнасьць інфраструктуры ў новых мікрараёнах, дзіцячых садоў і крамаў, рамонт дарог і парадкаваньне дваровых тэрыторыяў, неабходнасьць правядзеньня капітальнага рамонту й рэканструкцыі старых жылых памяшканьняў».
Выглядае, кандыдат Пракапенка ведае ўсе тыя праблемы, якія мусіў вырашаць як памочнік прэзыдэнта зь мясцовымі выканкамамі, але якія застаюцца ня вырашанымі.
Галіна Краўчанка, сябра руху «За свабоду» й кандыдат у дэпутаты па Прамысловай выбарчай акрузе, пра сустрэчу даведалася выпадкова: «Акруговая камісія мяне не папярэдзіла, што будзе сустрэча. Я даведалася пра гэтую сустрэчу ад журналістаў».
Галіна кажа, што паўнавартаснай агітацыі весьці ня можа — няма пакуль улётак зь яе біяграфіяй і праграмнымі тэзісамі. Акруговая камісія надрукавала толькі партрэты з пазначэньнем прозьвішча й нумара акругі, у якой яна балятуецца. Асноўныя агітацыйныя матэрыялы будуць гатовыя толькі на наступным тыдні.
Такая ж сытуацыя з вырабам агітацыйных матэрыялаў і ў іншых кандыдатаў ад апазыцыі.
Сябра Аб’яднанай грамадзянскай партыі й кандыдат у дэпутаты ў Гомельскай-Навабеліцкай выбарчай акрузе № 36 Уладзімер Няпомняшчых кажа, што акруговай камісіі прыйшлася не даспадобы ягоная майка:
Уладзімер Няпомняшчых
«Акруговая выбарчая камісія ня хоча друкаваць мой партрэт у майцы, дзе напісана „За Беларусь без Лукашэнкі“. Я ім сказаў: гэта вашы праблемы, мяняць фатаздымак я ня буду, бо нічога крамольнага на майцы няма. Калі жадаеце, то можаце зрабіць зь мяне балабушку альбо галаву прафэсара Доўэля».З-за майкі й заклікаў да байкоту выбараў тэлевыступ апазыцыйнага кандыдата Няпомняшчых не пусьцілі ў эфір.
Яшчэ адзін кандыдат у Навабеліцкай выбарчай акрузе № 36, вылучэнец Лібэральна-дэмакратычнай партыі, не скарыстаўся сваім правам тэлезвароту да выбарцаў.
Выступіў па тэлебачаньні толькі кандыдат ад улады — Ігар Пракапенка, былы памочнік прэзыдэнта ў рэгіёне, вызвалены 6 жніўня Аляксандрам Лукашэнкам з гэтай пасады.
Праўладны кандыдат хоча, каб законы ў Беларусі распрацоўваліся й прымаліся «людзьмі адказнымі і неабыякавымі». Пракапенка лічыць, што ў яго асабіста дзеля гэтага ёсьць досьвед , бо ён прайшоў шлях «ад эканаміста саўгаса да памочніка прэзыдэнта».
У выступе Ігар Пракапенка запэўніў выбарцаў, што добра ўяўляе сабе кола праблем і мясцовага значэньня: «Ацяпленьне жылых памяшканьняў, асьвятленьне вуліц і асфальтаваньне дарог прыватнага сэктару. Адсутнасьць інфраструктуры ў новых мікрараёнах, дзіцячых садоў і крамаў, рамонт дарог і парадкаваньне дваровых тэрыторыяў, неабходнасьць правядзеньня капітальнага рамонту й рэканструкцыі старых жылых памяшканьняў».
Выглядае, кандыдат Пракапенка ведае ўсе тыя праблемы, якія мусіў вырашаць як памочнік прэзыдэнта зь мясцовымі выканкамамі, але якія застаюцца ня вырашанымі.