Цэны на мяса-малочную прадукцыю будуць расьці і надалей, заявіў на прэс-канфэрэнцыі ў Менску намесьнік міністра сельскай гаспадаркі і харчаваньня Васіль Паўлоўскі:
«Цэны крыху падняліся, і яны будуць расьці далей, таму што выдаткі сельгасарганізацый павялічваюцца».
Паўлоўскі нагадаў, што нядаўна ў чарговы раз былі падвышаныя цэны на паліва (на 3%), і падкрэсьліў, што цана паліва таксама будзе расці. А паколькі павялічваюцца выдаткі, што ўваходзяць у структуру сабекошту малака і мяса, адпаведна будзе расьці і цана на гэтую прадукцыю, паведамляе БелаПАН.
Што да вывазу беларускай мяса-малочнай прадукцыі за мяжу, і найперш у Расею, то, як адзначыў намесьнік міністра, Беларусь ня ў сілах абмежаваць ці забараніць продаж расейцам прадукцыі, бо гэта ідзе насуперак умовам функцыянаваньня ў межах Мытнага саюзу:
«Раней была мытня, мы маглі паставіць вэтсанкантроль ці ўрачоў — цяпер у сувязі з фармаваньнем Мытнага саюзу ня можам паставіць нават міліцыю».
«Цэны крыху падняліся, і яны будуць расьці далей, таму што выдаткі сельгасарганізацый павялічваюцца».
Паўлоўскі нагадаў, што нядаўна ў чарговы раз былі падвышаныя цэны на паліва (на 3%), і падкрэсьліў, што цана паліва таксама будзе расці. А паколькі павялічваюцца выдаткі, што ўваходзяць у структуру сабекошту малака і мяса, адпаведна будзе расьці і цана на гэтую прадукцыю, паведамляе БелаПАН.
Што да вывазу беларускай мяса-малочнай прадукцыі за мяжу, і найперш у Расею, то, як адзначыў намесьнік міністра, Беларусь ня ў сілах абмежаваць ці забараніць продаж расейцам прадукцыі, бо гэта ідзе насуперак умовам функцыянаваньня ў межах Мытнага саюзу:
«Раней была мытня, мы маглі паставіць вэтсанкантроль ці ўрачоў — цяпер у сувязі з фармаваньнем Мытнага саюзу ня можам паставіць нават міліцыю».