Месяц таму Радыё Свабода прапанавала Міністэрству аховы здароўя падзяліцца інфармацыяй пра стан здароўя палітыкаў, зьбітых і зьняволеных у дзень выбараў. Усе яны, нягледзячы на зьняволеньне, паўнапраўныя грамадзяне Беларусі, якім канстытуцыя гарантуе права на ахову здароўя. Грамадзтву ж гарантуецца права на інфармацыю пра здароўе публічных палітыкаў.
Міністэрства і яго прэсавая служба выбралі тактыку поўнага маўчаньня. Прэсавая служба не адказвала на электронныя запыты, на факсы. Тэлефон прэсавай службы, апублікаваны на афіцыйных старонках міністэрства, аказаўся “спараным”: нічога, акрамя “перазваніце яшчэ раз” па ім мы не пачулі. Здабытая ўрэшце па мабільніку прэсавая сакратарка Вольга Шульпіна кінула трубку: “Я на бальнічным”.
У тыя ж дні нечаканай крыніцай распаўсюду афіцыйнай інфармацыі стала беларускае пасольства ў Лёндане. У яго заяве паведамляліся нават такія дэталі, як назвы дарагіх (!) таблетак, што прымае Аляксандар Фядута, і тое, што ўсе затрыманыя палітыкі “здаровыя”. Які доктар ці ўстанова зрабілі такое заключэньне? – зьвярнуліся мы да супрацоўніка пасольства Валерыя Курдзюкова. Спадар Курдзюкоў паабяцаў, што пасольства дасьць дадатковую інфармацыю “як толькі будзе мець яе ў сваім распараджэньні”.
10 лютага, роўна празь месяц пасьля накіраваньня пытаньняў ад Радыё Свабода, міністар аховы здароўя Васіль Жарко заплянаваў сваю онлайн-канфэрэнцыю на сайце БЕЛТА. Рэдакцыя БЕЛТА мяркуе, што гаворка пойдзе пра новыя тэхналёгіі ў айчыннай мэдыцыне, пра экспарт паслуг, пра новыя бальніцы ў раённых і абласных цэнтрах, пра пашырэньне спэктру платных паслуг...
Разам з тым рэдакцыя Радыё Свабода спадзяецца пачуць адказы на раней зададзеныя пытаньні. Ці сапраўды закончыў галадоўку Мікола Статкевіч і ці адбывалася гэта пад мэдычным кантролем? Ці можа хадзіць Саньнікаў? Ці ўдакладнены дыягназ траўмы Някляева? Як расцэньвае міністэрства факт выкраданьня цяжкога хворага з мэдычнай установы? Які стан дыябэтыка Фядуты? Чаму іх не паказваюць нікому? Якія паслугі зьбіраецца экспартаваць беларуская мэдыцына? Ці ня тое “завочнае лячэньне”, што прапанавалі Някляеву: хай жонка апіша па тэлефоне яго стан, а доктар выпіша таблеткі?
Даступнасьць міністра Жарко для пытаньняў заплянаваная на чацьвер, 10 лютага, ад 11 да 12 гадзін. Чакаем адказаў!
Міністэрства і яго прэсавая служба выбралі тактыку поўнага маўчаньня. Прэсавая служба не адказвала на электронныя запыты, на факсы. Тэлефон прэсавай службы, апублікаваны на афіцыйных старонках міністэрства, аказаўся “спараным”: нічога, акрамя “перазваніце яшчэ раз” па ім мы не пачулі. Здабытая ўрэшце па мабільніку прэсавая сакратарка Вольга Шульпіна кінула трубку: “Я на бальнічным”.
У тыя ж дні нечаканай крыніцай распаўсюду афіцыйнай інфармацыі стала беларускае пасольства ў Лёндане. У яго заяве паведамляліся нават такія дэталі, як назвы дарагіх (!) таблетак, што прымае Аляксандар Фядута, і тое, што ўсе затрыманыя палітыкі “здаровыя”. Які доктар ці ўстанова зрабілі такое заключэньне? – зьвярнуліся мы да супрацоўніка пасольства Валерыя Курдзюкова. Спадар Курдзюкоў паабяцаў, што пасольства дасьць дадатковую інфармацыю “як толькі будзе мець яе ў сваім распараджэньні”.
10 лютага, роўна празь месяц пасьля накіраваньня пытаньняў ад Радыё Свабода, міністар аховы здароўя Васіль Жарко заплянаваў сваю онлайн-канфэрэнцыю на сайце БЕЛТА. Рэдакцыя БЕЛТА мяркуе, што гаворка пойдзе пра новыя тэхналёгіі ў айчыннай мэдыцыне, пра экспарт паслуг, пра новыя бальніцы ў раённых і абласных цэнтрах, пра пашырэньне спэктру платных паслуг...
Разам з тым рэдакцыя Радыё Свабода спадзяецца пачуць адказы на раней зададзеныя пытаньні. Ці сапраўды закончыў галадоўку Мікола Статкевіч і ці адбывалася гэта пад мэдычным кантролем? Ці можа хадзіць Саньнікаў? Ці ўдакладнены дыягназ траўмы Някляева? Як расцэньвае міністэрства факт выкраданьня цяжкога хворага з мэдычнай установы? Які стан дыябэтыка Фядуты? Чаму іх не паказваюць нікому? Якія паслугі зьбіраецца экспартаваць беларуская мэдыцына? Ці ня тое “завочнае лячэньне”, што прапанавалі Някляеву: хай жонка апіша па тэлефоне яго стан, а доктар выпіша таблеткі?
Даступнасьць міністра Жарко для пытаньняў заплянаваная на чацьвер, 10 лютага, ад 11 да 12 гадзін. Чакаем адказаў!