Беларусь скараціла транзыт газу ў Эўразьвяз прапарцыйна недаатрыманым пастаўкам з Расеі.
Пра гэта піша Інтэрфакс са спасылкай на органы дзяржаўнага кіраваньня Беларусі.
«Беларусь пакуль не спыніла транзыт расейскага газу ў Эўропу, паменшыўшы яго транзыт прапарцыйна аб’ёму, які яна недаатрымлівае з Расеі. Газ у напрамку Эўропы ідзе, але яго транзыт паменшаны», — адзначыў суразмоўца агенцтва.
Ва ўрадзе і Мінэнэрга Беларусі гэтую інфармацыю пацьвердзіць не змаглі.
У аўторак «Газпром» абмежаваў пастаўкі газу ў Беларусь на 30%.