Што для вас свабода?
У вечным вымярэньні гэта тое, што Хрыстос даў веруючым у Яго:
свабоду ад граху і д’ябла, ад сьмерці і пекла, свабоду выбіраць добрае і высакароднае, а не адваротнае. Свабода ў дачасным жыцьці — магчымасьць нармальна жыць і разьвівацца ў тых кірунках, да якіх схільная душа і розум, магчымасьць уладкоўваць жыцьцё навокал згодна са здаровым сэнсам і агульнымі інтарэсамі грамадзтва, магчымасьць незалежна думаць і казаць, магчымасьць зьбірацца, перамяшчацца, выбіраць. Свабода штохвіліны — магчымасьць прымаць рашэньні не пад уціскам, але згодна свайго разуменьня і волі, улічваючы правы, жаданьні і патрэбы бліжніх і суадносячы іх з Воляй Божай. Каротка кажучы, свабода — бясцэнны дар Божы.
Што найбольш абмяжоўвае вашу свабоду?
Шматлікія працы і абавязкі, клопаты і турботы, недахоп грошай і нястача часу ў сёньняшнім вірлівым сьвеце.
Што для вас шчасьце?
Здароўе цела і духа свайго і блізкіх, мір у сэрцы, сустрэча з чымсь цудоўным.
Чаго вы найбольш баіцеся?
Страху таго, чаго можна збаяцца. А яшчэ — будаўніцтва АЭС у Беларусі.
Які талент вы хацелі б мець?
Мудрасьць.
Кім з сучасьнікаў вы захапляецеся?
Добрымі, сумленнымі людзьмі, што сустракаюцца на маім шляху або ў полі зроку.
Што вы найбольш любіце рабіць?
Вандраваць.
Калі б можна было пражыць жыцьцё яшчэ раз, што б вы зьмянілі?
Пастараўся б ніколі не засмучаць маіх родных.
Якую найлепшую параду вы атрымалі?
Прызнаць Хрыста сваім Госпадам.
Які ваш улюбёны дэвіз?
Жыве Беларусь! Жыве з Богам!
У якой палітычнай сыстэме вы хацелі б жыць?
У парлямэнцкай рэспубліцы, у дэмакратыі, але дзе кіруюць не прайдзісьветы ды кар’еровічы, а сумленныя, адданыя Радзіме і народу людзі.
У якой краіне вы хацелі б жыць?
У незалежнай і вольнай Беларусі.
У якую эпоху вы хацелі б жыць?
У 1991-1994 гады — эпоху надзеі і пэрспэктываў.
Калі б вы сталі кіраўніком Беларусі, што б зрабілі найперш?
Вярнуў бы гістарычную сымболіку, сапраўдны статус беларускай мове, наладзіў нармальныя стасункі з цывілізаванымі краінамі, перавёў бы большасьць выдаткаў са спорту высокіх дасягненьняў і ад спэцслужбаў на мэдыцыну, сацыяльную дапамогу, адукацыю і культуру.
Якія адносіны Беларусь павінна мець з Эўразьвязам?
Стаць сябрам Эўразьвязу і Шэнгенскай дамовы.
Якія адносіны Беларусь павінна мець з Расеяй?
Раўнапраўныя і добрасуседзкія (што залежыць ад абодвух суседзяў), а не «братэрскія». Беларусы — балта-славяне — не браты расейцам (угра-фіна-славяна-цюркам з мангола-татарскімі генамі). Гісторыя толькі пацьвярджае гэта.
Некаторыя думаюць так: «Хай дыктатура, абы свая». А Вы?
Яна не свая, а яго …
Калі і як у Беларусі зьменіцца ўлада?
Калі народ гэтага вельмі-вельмі захоча.
Калі беларусы загавораць па-беларуску?
Сьвядомыя — калі перастануць баяцца і хавацца, абыякавыя — калі адчуюць кан’юнктуру.
Што будзе, калі беларусы не загавораць па-беларуску?
Канец беларускага народу, нашага з Вамі народу. Ратуй нас Божа ад такога!