Дзяржаўная паліцыя Латвіі атрымала запыт латыскай Генпракуратуры на арышт сына зрынутага прэзыдэнта Кіргізстану Курманбека Бакіева Максіма.
Пра гэта агенцтва BNS паінфармавала міністар унутраных справаў Латвіі Лінда Мурніеце, – паведамляе “Інтэрфакс”. Пры гэтым на пытаньне, ці прасіў Максім Бакіеў палітычны прытулак у Латвіі, кіраўніца МУС не адказала.
У сваю чаргу прэсавы сакратар Генпракуратуры Латвіі Андрэй Васкс расказаў, што паліцыя ўзгадняе дзеяньні ў справе Максіма Бакіева з пракуратурай, але падставай для вышуку зьяўляецца ня запыт Кіргізстану, а уключэньне Бакіева-малодшага ў сьпіс асобаў, якіх вышуквае Інтэрпол.
Паводле Васкса, аддзел пракуратуры, які займаецца міжнародным супрацоўніцтвам, атрымаў ад праваахоўных органаў Кіргізстану просьбу аб часовым затрыманьні Максіма Бакіева. Аднак Генпракуратура ў мінулы панядзелак у тэрміновым парадку запрасіла ў праваахоўных органаў Кіргізстану дадатковую інфармацыю, паколькі пакет дакумэнтаў з просьбай аб затрыманьні “супярэчлівы і незразумелы”.
У сваю чаргу прэсавы сакратар Генпракуратуры Латвіі Андрэй Васкс расказаў, што паліцыя ўзгадняе дзеяньні ў справе Максіма Бакіева з пракуратурай, але падставай для вышуку зьяўляецца ня запыт Кіргізстану, а уключэньне Бакіева-малодшага ў сьпіс асобаў, якіх вышуквае Інтэрпол.
Паводле Васкса, аддзел пракуратуры, які займаецца міжнародным супрацоўніцтвам, атрымаў ад праваахоўных органаў Кіргізстану просьбу аб часовым затрыманьні Максіма Бакіева. Аднак Генпракуратура ў мінулы панядзелак у тэрміновым парадку запрасіла ў праваахоўных органаў Кіргізстану дадатковую інфармацыю, паколькі пакет дакумэнтаў з просьбай аб затрыманьні “супярэчлівы і незразумелы”.