Рада Эўразьвязу прыняла рашэньне падоўжыць на год візавыя санкцыі супраць афіцыйнага Менску да кастрычніка 2010 году. Адначасова гэтыя санкцыі замарожаныя да кастрычніка.
Міжнародны каардынатар “Хартыі-97” Андрэй Саньнікаў назваў гэтае рашэньне “яшчэ адным спадзяваньнем” эўрапейскага боку.
“Але ж Эўропа сама трапляе ў пастку. Калі нічога ня будзе адбывацца, тады наагул не застанецца ніякіх інструмэнтаў, каб уплываць на сытуацыю ў Беларусі.
Відавочна, што гэтыя гульні і спробы дамовіцца з Лукашэнкам пра пэўныя маленькія крокі проста не спрацавалі. І Эўропа павінна прызнаць, што гэтая палітыка не працуе. І павінны прызнаць гэта больш жорстка, чым яны прызналі, што нібыта не працуе палітыка ізаляцыі. Бо не было ізаляцыі, а была самаізаляцыя.
Справа ў тым, што трэба бараніць свае стандарты і прынцыпы, на якіх грунтуецца ЭЗ. Таму гэтае рашэньне ёсьць спадзяваньнем на тое, што нечага яшчэ можна дасягнуць у гэтай сфэры. Але ж праз такія спадзяваньні нічога не дасягнецца.
Эўрапейцы патрабавалі вельмі дробных рэчаў і тут нічога не адбывалася. І ўсё, што эўрапейцы лічаць пэўнымі станоўчымі зьменамі, засталося ў мінулым годзе. А ў гэтым годзе Лукашэнка і яго людзі даволі нахабна патрабавалі ад Эўропы больш, чым Эўропа патрабавала ад іх”.
Відавочна, што гэтыя гульні і спробы дамовіцца з Лукашэнкам пра пэўныя маленькія крокі проста не спрацавалі. І Эўропа павінна прызнаць, што гэтая палітыка не працуе. І павінны прызнаць гэта больш жорстка, чым яны прызналі, што нібыта не працуе палітыка ізаляцыі. Бо не было ізаляцыі, а была самаізаляцыя.
Справа ў тым, што трэба бараніць свае стандарты і прынцыпы, на якіх грунтуецца ЭЗ. Таму гэтае рашэньне ёсьць спадзяваньнем на тое, што нечага яшчэ можна дасягнуць у гэтай сфэры. Але ж праз такія спадзяваньні нічога не дасягнецца.
Эўрапейцы патрабавалі вельмі дробных рэчаў і тут нічога не адбывалася. І ўсё, што эўрапейцы лічаць пэўнымі станоўчымі зьменамі, засталося ў мінулым годзе. А ў гэтым годзе Лукашэнка і яго людзі даволі нахабна патрабавалі ад Эўропы больш, чым Эўропа патрабавала ад іх”.