Народны паэт Рыгор Барадулін нарадзіўся 24 лютага 1935 г. на хутары Верасоўка ва Ўшацкім раёне (хоць некаторыя крыніцы некарэктна ўказваюць на вёску Гарадок) у сям'і Івана й Куліны Барадуліных. Скончыў філялягічны факультэт БДУ у Менску. Пачаў друкавацца з 1953 г. Рыгор Барадулін – дзейны сябра СБП ды Беларускага ПЭН-цэнтру (з 1990 да 1999 – ягоны прэзыдэнт), сябра Партыі БНФ.
Што для вас свабода?
Свабода для мяне – гэта думаць вольна, ня быць абмежаваным у сваіх дзеяньнях, канечне, у рамках грамадзкай прыстойнасьці, і свабода перамяшчэньня, фізычнага і духоўнага. Свабода – гэта як паветра, без свабоды няма жыцьця.
Што найбольш абмяжоўвае вашу свабоду?
Маю свабоду абмяжоўваюць і побытавыя ўмовы, і вечная залежнасьць ад матэрыяльнай часткі жыцьця. А наогул неабмежаванай свабоды няма.
Што для вас шчасьце?
Шчасьце для мяне, калі я пішу. Мне падабаецца сам момант, калі я пішу, той, які называецца натхненьнем.
Чаго вы найбольш баіцеся?
У апошнія гады я баюся бездапаможнай старасьці, баюся стаць дрэвам, якое толькі шуміць лістамі.
Які талент вы хацелі б мець?
Я б хацеў мець такі талент, якому ўсё падлеглае, бо лічу, што іншыя больш таленавітыя за мяне.
Кім з сучасьнікаў вы захапляецеся?
Асабліва захапляюся цяпер Уладзімерам Някляевым. Гэта проста шалёны паэт і шалёны празаік. Ягоны «Цэнтар Эўропы» я чытаў так, як не чытаў прозы з маладосьці. Такога ў нашай літаратуры яшчэ не было.
Што вы найбольш любіце рабіць?
Пісаць. Калі я пішу, я шчасьлівы.
Калі б можна было пражыць жыцьцё яшчэ раз, што б вы зьмянілі?
Я б пачаў яго жыць разумней, але назад пражыць немагчыма.
Якую найлепшую параду вы атрымалі?
Найлепшую параду ў сваім жыцьці я атрымаў ад мамы: быць чалавекам і слухаць сваю душу.
Які ваш улюбёны дэвіз?
Быць самім сабой.
У якой палітычнай сыстэме вы хацелі б жыць?
Я б хацеў жыць у той палітычнай сыстэме, якая б не заганяла чалавека ў стойла і не гняла душу.
У якой краіне вы хацелі б жыць?
Я жыву і хацеў бы жыць толькі ў Беларусі.
У якую эпоху вы хацелі б жыць?
У тую, калі Беларусь будзе Беларусьсю.
Калі б вы сталі кіраўніком Беларусі, што б зрабілі найперш?
Я б зрабіў Беларусь Беларусьсю, бо цяпер у нас нонсэнс, калі ў Беларусі з высокіх трыбун не гучыць беларускага слова. Кіраўнікі нашы не разумеюць, што без мовы і культуры няма дзяржавы.
Якія адносіны Беларусь павінна мець з Эўразьвязам?
Як роўная з роўным, ні на кога не аглядаючыся, не кідаючыся з аднаго боку на другі. Беларусь – цэнтар Эўропы.
Якія адносіны Беларусь павінна мець з Расеяй?
На роўных трэба быць зь ёю, ня трэба на яе пляваць, але ня трэба і лізаць ёй боты.
Некаторыя думаюць так: “Хай дыктатура, абы свая”. А Вы?
Любая дыктатура – яна і ёсьць дыктатура. Гэта бачна на прыкладах Нямеччыны і СССР. Мільёны зьнішчылі і адны і другія, толькі немцы пакаялася, а камуністы не.
Калі і як у Беларусі зьменіцца ўлада?
Калі народ прачнецца. 200 год у нас зьнішчалі інтэлектуалаў, а цяпер абалваньваюць моладзь папсовай культурай і спортам. Я думаю, што нарасьце новая зьмена, яна, як трава з-пад асфальту, усё-такі прабіваецца. І новая беларусізацыя пачнецца з горада.
Калі беларусы загавораць па-беларуску?
Калі яны зразумеюць, што яны зьнікаюць як нацыя, яны зьнікаюць як народ, яны зьнікаюць як дзяржава. У нас вечна ўсё ідзе зьверху, вось толькі незразумела, чаму калі рыба гніе з галавы, а чысьцяць яе з хваста.
Што будзе, калі беларусы не загавораць па-беларуску?
Беларусь перастане быць Беларусьсю, а стане правінцыяй Расеі.
Што для вас свабода?
Свабода для мяне – гэта думаць вольна, ня быць абмежаваным у сваіх дзеяньнях, канечне, у рамках грамадзкай прыстойнасьці, і свабода перамяшчэньня, фізычнага і духоўнага. Свабода – гэта як паветра, без свабоды няма жыцьця.
Што найбольш абмяжоўвае вашу свабоду?
Маю свабоду абмяжоўваюць і побытавыя ўмовы, і вечная залежнасьць ад матэрыяльнай часткі жыцьця. А наогул неабмежаванай свабоды няма.
Што для вас шчасьце?
Шчасьце для мяне, калі я пішу. Мне падабаецца сам момант, калі я пішу, той, які называецца натхненьнем.
Чаго вы найбольш баіцеся?
У апошнія гады я баюся бездапаможнай старасьці, баюся стаць дрэвам, якое толькі шуміць лістамі.
Які талент вы хацелі б мець?
Я б хацеў мець такі талент, якому ўсё падлеглае, бо лічу, што іншыя больш таленавітыя за мяне.
Кім з сучасьнікаў вы захапляецеся?
Асабліва захапляюся цяпер Уладзімерам Някляевым. Гэта проста шалёны паэт і шалёны празаік. Ягоны «Цэнтар Эўропы» я чытаў так, як не чытаў прозы з маладосьці. Такога ў нашай літаратуры яшчэ не было.
Што вы найбольш любіце рабіць?
Пісаць. Калі я пішу, я шчасьлівы.
Калі б можна было пражыць жыцьцё яшчэ раз, што б вы зьмянілі?
Я б пачаў яго жыць разумней, але назад пражыць немагчыма.
Якую найлепшую параду вы атрымалі?
Найлепшую параду ў сваім жыцьці я атрымаў ад мамы: быць чалавекам і слухаць сваю душу.
Які ваш улюбёны дэвіз?
Быць самім сабой.
****************
У якой палітычнай сыстэме вы хацелі б жыць?
Я б хацеў жыць у той палітычнай сыстэме, якая б не заганяла чалавека ў стойла і не гняла душу.
У якой краіне вы хацелі б жыць?
Я жыву і хацеў бы жыць толькі ў Беларусі.
У якую эпоху вы хацелі б жыць?
У тую, калі Беларусь будзе Беларусьсю.
Калі б вы сталі кіраўніком Беларусі, што б зрабілі найперш?
Я б зрабіў Беларусь Беларусьсю, бо цяпер у нас нонсэнс, калі ў Беларусі з высокіх трыбун не гучыць беларускага слова. Кіраўнікі нашы не разумеюць, што без мовы і культуры няма дзяржавы.
Якія адносіны Беларусь павінна мець з Эўразьвязам?
Як роўная з роўным, ні на кога не аглядаючыся, не кідаючыся з аднаго боку на другі. Беларусь – цэнтар Эўропы.
Якія адносіны Беларусь павінна мець з Расеяй?
На роўных трэба быць зь ёю, ня трэба на яе пляваць, але ня трэба і лізаць ёй боты.
Некаторыя думаюць так: “Хай дыктатура, абы свая”. А Вы?
Любая дыктатура – яна і ёсьць дыктатура. Гэта бачна на прыкладах Нямеччыны і СССР. Мільёны зьнішчылі і адны і другія, толькі немцы пакаялася, а камуністы не.
Калі і як у Беларусі зьменіцца ўлада?
Калі народ прачнецца. 200 год у нас зьнішчалі інтэлектуалаў, а цяпер абалваньваюць моладзь папсовай культурай і спортам. Я думаю, што нарасьце новая зьмена, яна, як трава з-пад асфальту, усё-такі прабіваецца. І новая беларусізацыя пачнецца з горада.
Калі беларусы загавораць па-беларуску?
Калі яны зразумеюць, што яны зьнікаюць як нацыя, яны зьнікаюць як народ, яны зьнікаюць як дзяржава. У нас вечна ўсё ідзе зьверху, вось толькі незразумела, чаму калі рыба гніе з галавы, а чысьцяць яе з хваста.
Што будзе, калі беларусы не загавораць па-беларуску?
Беларусь перастане быць Беларусьсю, а стане правінцыяй Расеі.