Людзі

Наркатычных і псыхатропных рэчываў у целах расейскіх пілётаў не было

26 кастрычніка пад Менскам разьбіўся самалёт расейскай авіакампаніі. Пяцёра пасажыраў і членаў экіпажу самалёту загінулі.

Папярэдняя экспэртыза ня вызначыла ў целах расейцаў, што загінулі пры аварыі самалёта пад Менскам, псыхатропных і наркатычных рэчываў.
Пра гэта паведамілі Інтэрфаксу ў Беларускай транспартнай пракуратуры. Ніхто з загінулых не знаходзіўся ў нецьвярозым стане.

Пакуль канчатковага мэдычнага заключэньня па гэтай справе няма. У прыватнасьці не гатовы генатыпаскапічныя экспэртызы.