Галоўны санітарны лекар Расеі Генадзь Анішчанка сумняецца, што ў Беларусі няма хворых на грып, выкліканы вірусам A/H1N1.
“Беларусь знаходзіцца ў цэнтры Эўропы і ня мець ніводнага выпадку захворваньня проста ня можа”, — заявіў кіраўнік “Роспотребнадзора”.
Анішчанка патлумачыў, што ў краінах, дзе пакуль не адзначана ніводнага выпадку захворваньня на грып A/H1N1, або няма руху людзей празь мяжу, або ня выпрацавана эфэктыўная дыягностыка, цытуе ягоныя словы ПРАЙМ-ТАСС.
Галоўны санітарны лекар Расеі нагадаў, што 168 краінаў з амаль 180 дзяржаваў, якія ўваходзяць у ААН, ужо зарэгістравалі на сваіх тэрыторыях выпадкі захворваньня на “сьвіны грып”.
Паводле афіцыйнай інфармацыі, на дадзены момант у Беларусі лекары ня выявілі ніводнага выпадку захворваньня, выкліканага гэтым вірусам.
Колькасьць пацьверджаных выпадкаў заражэньня на грып А/Н1N1 у Расеі — 150, паведамляе Інтэрфакс.
На мінулы тыдзень у Англіі зафіксавана 25 тысячаў новых выпадкаў заражэньня, памерлі 44 чалавекі.
Агулам хворых у сьвеце зарэгістравана 219 681. Памерлі дагэтуль 1882, паведамляе Усясьветная арганізацыя аховы здароўя.
Анішчанка патлумачыў, што ў краінах, дзе пакуль не адзначана ніводнага выпадку захворваньня на грып A/H1N1, або няма руху людзей празь мяжу, або ня выпрацавана эфэктыўная дыягностыка, цытуе ягоныя словы ПРАЙМ-ТАСС.
Галоўны санітарны лекар Расеі нагадаў, што 168 краінаў з амаль 180 дзяржаваў, якія ўваходзяць у ААН, ужо зарэгістравалі на сваіх тэрыторыях выпадкі захворваньня на “сьвіны грып”.
Паводле афіцыйнай інфармацыі, на дадзены момант у Беларусі лекары ня выявілі ніводнага выпадку захворваньня, выкліканага гэтым вірусам.
Колькасьць пацьверджаных выпадкаў заражэньня на грып А/Н1N1 у Расеі — 150, паведамляе Інтэрфакс.
На мінулы тыдзень у Англіі зафіксавана 25 тысячаў новых выпадкаў заражэньня, памерлі 44 чалавекі.
- У Літве колькасьць хворых — 35.
- У Латвіі — 19.
- У Эстоніі — 50.
Агулам хворых у сьвеце зарэгістравана 219 681. Памерлі дагэтуль 1882, паведамляе Усясьветная арганізацыя аховы здароўя.
