Пракуратура Савецкага раёна Менску адмовілася распачынаць крымінальную справу па факце зьбіцьця міліцыянтамі ўдзельнікаў шэсьця на Дзень закаханыхі.
Актывісты незарэгістраванай арганізацыі “Малады фронт” Вадзім Ханяўка, Павал Кур’яновіч, Мікола Дземідзенка і лідэр арганізацыі Зьміцер Дашкевіч атрымалі адмоўны адказ з пракуратуры Савецкага раёну Менску на просьбу прыцягнуць да крымінальнай адказнасьці міліцыянтаў.
14 лютага, у дзень сьвятога Валянціна, маладафронтаўцы сабраліся на плошчы Якуба Коласа, каб павіншаваць мінакоў з Днём любові. Спэцназаўцы абкружылі юнакоў і дзяўчат і, жорстка зьбіваючы іх, выціснулі з плошчы.
Міколу Дземідзенку, Вадзіма Ханяўку і Паўла Кур’яновіча павалілі на зямлю і зьбівалі нагамі і дубінкамі. Зьмітра Дашкевіча білі па галаве і нырках. Дасталося й дзяўчатам. Алену Макарэвіч двое спэцназаўцаў білі далонямі па твары.
Хлопцы зьнялі пабоі і зьвярнуліся ў пракуратуру са скаргай на дзеяньні міліцыянтаў.
Згодна з адказам пракуратуры, міліцыянты ня могуць быць прыцягнутыя да адказнасьці з-за “адсутнасьці грамадзкага небясьпечнага дзеяньня”.
Хлопцы будуць абскарджваць пастанову раённай пракуратуры ў вышэйшых інстанцыях.
14 лютага, у дзень сьвятога Валянціна, маладафронтаўцы сабраліся на плошчы Якуба Коласа, каб павіншаваць мінакоў з Днём любові. Спэцназаўцы абкружылі юнакоў і дзяўчат і, жорстка зьбіваючы іх, выціснулі з плошчы.
Міколу Дземідзенку, Вадзіма Ханяўку і Паўла Кур’яновіча павалілі на зямлю і зьбівалі нагамі і дубінкамі. Зьмітра Дашкевіча білі па галаве і нырках. Дасталося й дзяўчатам. Алену Макарэвіч двое спэцназаўцаў білі далонямі па твары.
Хлопцы зьнялі пабоі і зьвярнуліся ў пракуратуру са скаргай на дзеяньні міліцыянтаў.
Згодна з адказам пракуратуры, міліцыянты ня могуць быць прыцягнутыя да адказнасьці з-за “адсутнасьці грамадзкага небясьпечнага дзеяньня”.
Хлопцы будуць абскарджваць пастанову раённай пракуратуры ў вышэйшых інстанцыях.