7-га траўня ў турме КДБ амэрыканскага грамадзяніна Эмануіла Зэльцэра наведаў адвакат Зьміцер Гарачка
“Ён пачуваецца дрэнна, скардзіцца на стан здароўя, кажа, што яму дрэнна”, -- паведаміў пра свайго падабароннага Зьміцер Гарачка.
Пра справу Эмануіла Зэльцэра адвакат распавядаць адмовіўся, спаслаўшыся на тое, што гэтай справе нададзены грыф “дзяржаўная таямніца”.
Нагадаем, адвакат з ЗША Эмануіл Зэльцэр быў арыштаваны ў аэрапорце Менск-2 ў сярэдзіне сакавіка і з тых часоў яго ўтрымліваюць у ізалятары КДБ “амэрыканка”. Вядома, што Э.Зэльцэр мае цяжкія захворваньні. Дзярждэпартамэнт ЗША заклікаў ўрад Беларусі вызваліць Э.Зэльцэра з “гуманітарных меркаваньняў”. КДБ Беларусі паведамляў, што Эмануіл Зэльцэр падазраецца ў падробцы дакумэнтаў.