Падзеі мінулага тыдня на фaтаздымках сусьветных агенцтваў.
Японскі вадалаз у акварыюме, расейскі карабель на мелі. 20 фотаімгненьняў тыдня.
1
Вадалаз, апрануты ў касьцюм Санта-Клаўса, плавае ў вялікім акварыюме падчас падводнага выступу ў Токіё.
2
Парашут касьмічнага карабля Саюз МС-09 неўзабаве пасьля прызямленьня капсулы з трыма астранаўтамі зь Міжнароднай касьмічнай станцыі, Казахстан, 20 сьнежня.
3
Ліхтаршчык Ян Татэр запальвае ліхтар на Карлавым мосьце ў Празе.
4
Менск, погляд зь вяршыні навагодняй елкі.
5
Касьцел па-над імглою, вёска Шошхарт’ян, Вугоршчына.
6
Крыгаход на возеры Валдай ў Ноўгарадзкай вобласьці Расеі.
7
Магутныя ціхаакіянскія хвалі разьбіваюцца аб бераг штату Орэган, ЗША.
8
Зьняволеныя абедаюць у сталовай папраўчай калёніі ў Забайкальскім краі Расеі.
9
Вадалазы фатаграфуюцца зь елкай, якую потым прымацуюць да дна мора каля партовага гораду Трыпалі ў паўночным Лібане.
10
Расейскае грузавое судна «Кузьма Мінін» на мелі каля берагоў Корнуалу.
11
Зіма ў Маскве.
12
Падрыхтаваны да Калядных сьвятаў Бялград.
13
Культурыст выступае на спаборніцтвах у Бішкеку.
14
Акцыя пратэсту супраць прапанаванага новага закону аб працы ў Будапэшце.
15
Чэская гарналыжніца Эстэр Лэдэцка падчас трэніроўкі ў Італіі.
16
Маці трымае дачку, параненую падчас авіяўдару ўрадавых сілаў супраць талібаў у Джалалабадзе, Аўганістан. Паводле мясцовых чыноўнікаў, ў выніку авіяўдару загінулі ня менш за 20 мірных аўганцаў, у тым ліку 12 дзяцей.
17
Сырыйскія паўстанцы, падтрымоўваныя Турцыяй, трэніруюцца ў лягеры на поўначы Сырыі.
18
Жанчына праходзіць тунэлем, упрыгожаным сьвяточнымі лямпачкамі ў цэнтры Масквы.
19
Жыхары Пхэньяну перад статуямі сваіх былых лідэраў, Кім Ір Сэна і Кім Чэн Іра.
20
Македонскія прастытуткі з чырвонымі парасонамі зьбіраюцца на мітынг каля помніка Маці Тэрэзе ў сталіцы краіны, Скоп’е, у Міжнародны дзень барацьбы за ліквідацыю гвалту ў дачыненьні да сэкс-работнікаў.
Катэгорыі
- Мультымэдыя
- Відэа
