На вашы пытаньні падчас онлайн-канфэрэнцыі адказаў павераны ў справах ЗША ў Беларусі Скот Роланд.
Напярэдадні нацыянальнага сьвята — Дня Незалежнасьці (4 ліпеня) Скот Роланд даў першую онлайн-канфэрэнцыю для чытачоў сайту беларускай Свабоды. 30 чэрвеня 2014 году павераны ў справах ЗША ў Беларусі Скот Роланд прыбыў у Менск, каб узначаліць амбасаду ЗША ў Беларусі.
Нагадаем, у сувязі з уведзенымі ў 2008 годзе беларускім урадам у аднабаковым парадку абмежаваньнямі на колькасьць амэрыканскіх дыпляматаў, якім дазволена працаваць у Беларусі, амбасада ЗША была вымушана скараціць свой штат з 35 да 5 дыпляматаў і адклікаць зь Беларусі амбасадара. Колькасьць амэрыканскіх дыпляматаў была павялічана да 6 у ліпені 2014 году. Вымушанае скарачэньне штату істотна абмежавала магчымасьці амбасады па ажыцьцяўленьні ўзаемавыгадных дыпляматычных праграмаў і стасункаў, у тым ліку культурных і адукацыйных абменаў, праграмаў дапамогі і візавых паслугаў.
