На цырымоніі адкрыцьця прысутнічалі мэр гораду Віталь Кушнароў, памочнік прэзыдэнта Расеі Ўладзіслаў Суркоў і лідэр групоўкі «ДНР» Аляксандар Захарчанка. Захарчанка і Суркоў правялі сустрэчу, на якой абмяркоўвалі «палітычную сытуацыю», праблемы баевікоў на Данбасе і ўдзел расейцаў у канфлікце ў Сырыі.
Мясцовыя грамадзкія актывісты заяўлялі пра незаконнасьць «помніка наймітам», але ім у адміністрацыі і пракуратуры гораду параілі зьвяртацца ў суд.
Баявыя дзеяньні на Данбасе пачаліся ў красавіку 2014 году. З тых часоў, паводле зьвестак ААН, там загінулі каля 10 000 чалавек. Украіна і Захад абвінавачваюць Расею ў падтрымцы прарасейскіх баевікоў на Данбасе. Масква гэтыя абвінавачваньні абвяргае, заяўляючы, што на Данбасе няма расейскіх вайскоўцаў — толькі «добраахвотнікі».
***
