Міністар фінансаў Злучаных Штатаў Стывэн Мнучын у эфіры тэлеканалу Fox News заявіў, што нядаўнія санкцыі супраць Крамля і калякрамлёўскіх бізнэсоўцаў, на думку Адміністрацыі прэзыдэнта ЗША, дасягнулі жаданага эфэкту.
Стывэн Мнучын таксама расказаў, што Вашынгтон мае пастаянна карэктаваць стратэгію ў дачыненьні Расеі ў эканамічных і вайсковых рычагах ціску. Але Штаты «ня маюць намеру абвяшчаць на ўвесь сьвет непасрэдны ход думак» наконт санкцыяў і іншых захадаў супраць Крамлю.
Украіна пра ціск ЗША на Расею: менавіта на такой мове трэба размаўляць з Масквой
Санкцыі, казаў Мнучын, гэта «вельмі-вельмі важныя і вельмі магутныя інструмэнты», якія ЗША «не баіцца выкарыстоўваць». Нядаўнія санкцыі супраць расейскіх алігархаў і палітыкаў «мелі жаданы эфэкт», а апошнія санкцыі «былі больш дзейснымі, чым любыя іншыя да іх», перакананы міністар.
Пакуль у Штатах разглядаюць пашырэньне санкцыяў, але канкрэтных рашэньняў аб новых захадах яшчэ не абвяшчалі.
