Пасьля трох дзён галадоўкі, беларусы вырашылі спыніць акцыю – зрабіць гэта іх папрасілі прадстаўнікі бэльгійскіх службаў бясьпекі, на дадатак аднаму з галадоўнікаў стала дрэнна.
Тым ня менш, галадоўнікі лічаць, што дасягнулі сваіх мэтаў. Гаворыць Ігар Лазарчук зь Беларуска-эўрапейскага задзіночаньня:
(Лазарчук: ) “Заўтра ў Бэльгіі нацыянальнае сьвята – дзень сканчэньня Першай сусьветнай вайны. Будзе фэст, а мы якраз стаім на цэнтральным праспэкце, дзе адбудзецца парад. Таму нас папрасілі адыйсьці. А па-другое, адна з галоўных мэта галадоўкі – каб прадстаўнікі Эўрапарлямэнту і іншых структураў Эўразьвязу даведаліся пра палітзьняволеных, выкананая”.
Працягваць дамагацца выкананьня іншых мэтаў галадоўкі – стварэньня міжнароднай камісіі для расьсьледаваньня справаў зьніклых палітыкаў, а таксама вызваленьня палітзьняволеных у Беларусі, беларускія эмігранты маюць намер у Страсбуры, дзе на наступным тыдні пачынаецца сэсія Эўрапейскага парлямэнту.
(Лазарчук: ) “У панядзелак мы паедзем у Страсбур і, я мяркую, арганізуем там больш працяглую акцыю каля будынку, дзе адбудзецца паседжаньне Эўрапарлямэнту”.
Зрабіць такі крок бэльгійскіх калегаў пераканалі беларускія палітычныя імігранты, што жывуць цяпер у Францыі – яны прыехалі сёньня ў Брусэль, каб падтрымаць галадоўнікаў. Гаворыць адзін зь іх Павал Сівук:
(Сівук: ) “Эўрапарлямэнтары будуць цяпер засядаць у Страсбуры, і таму няма сэнсу галадаваць тут, у Брусэлі. Менавіта таму, каб зрабіць акцыю больш плённай, мы вырашылі перанесьці яе ў Страсбур”.
Як дакладна будзе выглядаць акцыя ў Страсбуры, пакуль невядома.
Тым ня менш, галадоўнікі лічаць, што дасягнулі сваіх мэтаў. Гаворыць Ігар Лазарчук зь Беларуска-эўрапейскага задзіночаньня:
(Лазарчук: ) “Заўтра ў Бэльгіі нацыянальнае сьвята – дзень сканчэньня Першай сусьветнай вайны. Будзе фэст, а мы якраз стаім на цэнтральным праспэкце, дзе адбудзецца парад. Таму нас папрасілі адыйсьці. А па-другое, адна з галоўных мэта галадоўкі – каб прадстаўнікі Эўрапарлямэнту і іншых структураў Эўразьвязу даведаліся пра палітзьняволеных, выкананая”.
Працягваць дамагацца выкананьня іншых мэтаў галадоўкі – стварэньня міжнароднай камісіі для расьсьледаваньня справаў зьніклых палітыкаў, а таксама вызваленьня палітзьняволеных у Беларусі, беларускія эмігранты маюць намер у Страсбуры, дзе на наступным тыдні пачынаецца сэсія Эўрапейскага парлямэнту.
(Лазарчук: ) “У панядзелак мы паедзем у Страсбур і, я мяркую, арганізуем там больш працяглую акцыю каля будынку, дзе адбудзецца паседжаньне Эўрапарлямэнту”.
Зрабіць такі крок бэльгійскіх калегаў пераканалі беларускія палітычныя імігранты, што жывуць цяпер у Францыі – яны прыехалі сёньня ў Брусэль, каб падтрымаць галадоўнікаў. Гаворыць адзін зь іх Павал Сівук:
(Сівук: ) “Эўрапарлямэнтары будуць цяпер засядаць у Страсбуры, і таму няма сэнсу галадаваць тут, у Брусэлі. Менавіта таму, каб зрабіць акцыю больш плённай, мы вырашылі перанесьці яе ў Страсбур”.
Як дакладна будзе выглядаць акцыя ў Страсбуры, пакуль невядома.
